Tàm jơnau sền tàm dơ̆ ies, tơp ƀồc ntìng ală cau ling chơt màng, mò Y Ngọc – Phó Củ tịc Duh broă sùm Anih duh broă làng bol càr Kon Tum, Kwang lam bồ Mpồl sồr lơh 515 càr đơs nền: Bơta phi să bơh ală bi dê neh pơgồp bơnah tơngklàs làng bol ală jơi bơtiàn lơgar Lào tềng đap bol sò tơm sơgràm phà mờ lơh kis wơl dà lơgar Campuchia tàm rài gơ sơt rung jàñ bơsak; là rùp pơrya ai bơta kis sùm tàm nùs bơh ală rơnàng tơl nă cau Việt Nam dê kung bè làng bol 2 lơgar Lào mờ Campuchia dê. 

Lam lơh kơnòl broă lòt jòi, tờ mờ cèng rê tơp hờ ƀòn tờm ƀồc ntìng cau ling chơt màng tàm lơgar Lào mờ lơgar Campuchia, 6 nhai kàl prang nam 2024 – 2025, mpồl K53 càr Kon Tum tờ geh 26 ƀồc ntìng cau ling chơt màng. Tàm hơ̆, tàm lơgar Lào jòi bàn 16 ƀồc ntìng (càr Attapư 12 ƀồc ntìng, càr Chamapsak 4 ƀồc ntìng) mờ tàm càr Ratanakiri, lơgar Campuchia 10 ƀồc ntìng.