Bơh rlau 4 nhai tàp, mờ nùs nhơm lơh ngan, pơnđơl pràn, lơh ngan uă bơh mpồl kwang bàng, cau ling dê, ngan là ală oh mi tus bal tơn tàm broă tàp ală mpồl ling, broă lơh pơlam tàp neh lơh geh cồng nha niam. 

Kwang lam bồ Ƀan Tuyên giáo dà lơgar neh cih dờp nùs nhơm pơlam tàp jơh nùs, mờ kung sồr ală mpồl git sền gàr pràn kơldang să jan, gàr niam ngan rlau jơh ai dơ̆ ai ling lòt pơdar tàm gùng di tơngkah 50 nam Ngai tơngklàs tiah đah jum. Ồng Nguyễn Trọng Nghĩa đơs nền, Dà lơgar mờ Mpồl sồr lơh dà lơgar sùm jat sền mờ jờng rơ broă pơlam tàp ală mpồl phàu crong mờ gah làng bol bơh mpồl ling, kwang àng, ƀòn dờng Hồ Chí Minh mờ uă tiah ndai dê tàm gùt lơgar. Dơ̆ tơngkah ờ mìng là tŭ nàng jờng rơ kah yau mờ gam pơyua bơta pin dờn tàm rài tơnơ̆ do dà lơgar, ling klàng ngai sơlơ pràn kơldang, kơ̆ kơljap.