Ồng Nguyễn Trọng Nghĩa jờng rơ uă ngan bơta rcang lài, geh kơnòl bơh 2 càr dê tàm broă bơyai lơh bơsram lơh jat Jơnau lơh nền tàm pơrjum tus mờ kwang bàng, đảng viên, lơh geh bơta ring bal tàm đảng ƀộ mờ ring bal tàm làng bol.

Is ồn, 2 càr neh lam lơh niam ngan broă lơh tơmŭt bal mpồl lơh broă sră nggal gơnoar atbồ kấp sàh mờ lơh Ală rơndăp broă lơh neh lơh nền tơmut bal kấp càr. Broă lơh rcang sră nggal mờ kwang bàng drơng broă pơrjum dờng Đảng ƀộ ală kấp geh lam lơh niam ngan, geh cồng nha, cih yal nùs nhơm tam gơl pa mờ geh kơnòl uă ngan bơh kấp ủy ală tiah dê. Ồng Nguyễn Trọng Nghĩa sồr pơn jat tai jat jơnau sồr lơh bơh Dà lơgar dê, gàr kơ̆ kơl jăp cíñ trị, rcang lài niam ngan tơl ală bơta ai pơrjum dờng mờr tus in.