Đơs tàm dar pơrjum, Thủ tướng đơs sùm: Jơnau kờñ dờng ngan rlau jơh là tus di dơ̆ tơngkah kir sơnrai tòm 100 nam tơngơs Đảng mờ Dà lơgar, Việt Nam pal bơtàu tơnguh mhar, tơlir, kơ̆ kơl jăp jŏ jòng mờ lơh geh gơguh 2 nơm sồ. Kờñ bè hơ̆, pal uă bơta pràn, tàm hơ̆ Anih tờm Priă jền Ală lơgar rơ̆p geh gơnoar broă kwơ màng, bơtơl priă jền ai gơguh lơh sa in.

Thủ tướng sồr, nàng Anih tờm in lơh geh cồng nha, pal lơh cơng tàng tơngume adat boh lam pa ngan, song dơ pă, lơh geh bơta ƀuơn ngan ai cau bơcri priă in. Mơkung pal lơh sir phan bơna bơt bơtàu pa ngan, lơh geh jơnau sồr bơtàu tơnguh mờ di pal mờ gùng dà broă lơh gùt plai ù bal mờ ală bơta lơgar Việt Nam dê. Bè cau lơh broă, Thủ tướng đơs sùm, pal geh mpồl lơh broă ờs mờng mờ jak. Is ồn, lơh geh tiah kă bro gơguh jak uă, niam ngan ai cau bơcri priă in, lơh tus “khat gơboh ngan” geh broă lơh di pal.