Dar pơrjum geh lơh tàm 6 ngai (bơh ngai 03 tus ngai 06/6; bơh ngai 09 tus ngai 10/6/2025) mờ Anih duh broă lơh kơnòl broă sùm Quôk hội lời uă tŭ tơngai ai broă lơh bơt bơtàu adat boh lam in. Tàm dar pơrjum do, Anih duh broă Lơh kơnòl broă sùm Quôk hội rơp ai jơnau đơs bè 4 tơngume kuơmàng. 

Hơ̆ là rơndap lơh Adat tam gơl, bơ tơl bàr pe bơta bơh ală adat boh lam tàm gah sền gàr dà lơgar, lơngap lơngai dê; Jơnau lơh nền rơndap tap sèng mpồl lơh broă sră pơ àr gơnoar atbồ kâp càr nam 2025; sền sơwì, ring bal bè jơnau pal jat ală jơnau lơh nền tàm pơrjum bè rơndap tap sèng mpồl lơh broă sră pơ àr gơnoar atbồ kâp sàh nam 2025; jơnau rơcang cih Jơnau lơh nền tàm pơrjum bơh Quôk hội dê bè broă tam gơl halà sang tĕ mpồl atbồ priă jền, priă lơh geh krơi is bơh ală anih lơh broă, mpồl lơh broă sră pơ àr gơnoar atbồ dà lơgar dê; jơnau rơcang cih Jơnau lơh nền tàm pơrjum bơh Quôk hội dê bè lam lơh tơrlòng lài 2, 3 gùng dà broă lơh, bơta dong kờl krơi is nàng bơcri priă lơh ală gùng rơndeh ồs. Jơnau lơh nền tàm pơrjum pơlam bè rơndap broă bơh Mpồl cau ala mat Quôk hội, mpồl duh broă làng bol ală kâp tơngai lơh broă bơh nam 2021 tus nam 2026 tơnơ̆ tŭ rơndap tap sèng mpồl lơh broă sră pơ àr gơnoar atbồ.