Tổng Ƀí thư ồng Tô Lâm đơs nền, Nam Định- Hà Nam mờ Ninh Bình là pe bă ù cèng tàm să he pe rài kis niam chài krơi is, mơya tơrgùm bal ală bơta kwơ niam chài- jơnau kah yau- kòn bơnus jrô ơnàng làm uă mờ mờr ndrờm bal. Tổng Ƀí thư neh mblàng sền 6 jơnau gơtùi rơcăng lài mờ ờ gơtùi rơcăng lài nàng Dà lơgar in ring bal jơnau lơh nền tơrgùm dùl pe càr, rơ̆p lơh gơlik geh ù tiah dờng nàng bơ̆t bơtàu dùl broă lơh tơrlòng lài gơnoar ătbồ ƀòn lơgar gơguh jak, lơh broă jăt bơta pal jăt tơrgùm bal- ngăc ngar- cồng nha.

Nàng lơh geh cồng nha ală bơta pràn, bơta ƀươn mờ bơta tàm dong kờl bal mờ gơ̆p đah 3 tiah bơh càr Ninh Bình pa dê, Tổng Ƀí thư sồr, mhar lơh sir broă rơndăp tăp sèng mpồl kwang bàng mpồl lơh broă jăt broă lơh tơrlòng lài gơnoar ătbồ ƀòn lơgar 2 kâp jăt di nùs nhơm Jơnau lơh nền tàm pơrjum 60 mờ Jơnau đơs pơndŭt 150 Ƀộ Cíñ trị dê. Pal lam lơh dùl bă jak chài, kơ̆ kơl jăp, gàr bơta lơh sùm bơh broă lơh dê, pleh lơh srĭ srài tàm rài kis làng bol mờ lơh broă lơh gơlik phan kă bro.