Mpồl duh broă làng bol càr Dăk Lăk pơrjum lài mờ tơngai càr pa sơn đờm lơh broă
Thứ tư, 06:00, 25/06/2025 Cau mblàng: K'Duẩn/ VOV Tây Nguyên Cau mblàng: K'Duẩn/ VOV Tây Nguyên
VOV4.K'Ho- Drim òr (24/06), Mpồl duh broă làng bol càr Dăk Lăk mut lơh pơrjum dơ̆ 10, sền sơ wì, lơh nền uă tơngume gơ wèt gơnăp gơnoar, lài mờ tơngai càr Dăk Lăk pa ngan ngồn lơh broă bơh ngai 01/7.

Tàm 6 nhai bồ nam 2025, càr Dăk Lăk neh lam lơh dơ̆ lĕ bal, tơl làm mờ geh cồng nha ală jơnau lơh nền tàm pơrjum bơh Đảng dà lơgar, jơnau sồr lơh bơh Ƀộ Cíñ trị, Mpồl kwang đơng lam Đảng dê bè rơndap tap sèng mpồl lơh broă sră pơ àr gơnoar atbồ, bơyai lơh broă lơh gơnoar atbồ ƀòn lơgar 2 kâp, tơrmù lơyah mpồl cau lơh broă sră pơ àr gơnoar atbồ. Bơdìh hơ̆ tai, càr tơrgùm sồr tă bơsong ală kòl yan tàm bơtàu tơnguh, bơsong jơh ală broă yal yă uă cau, kal ke mờ jŏ jòng.

Tàm dơ̆ pơrjum do, Mpồl duh broă làng bol càr Dăk Lăk sền sơ wì ring bal ală jơnau yal bè broă lam lơh kơnòl broă bơtàu tơnguh lơh sa – mpồl bơtiàn 6 nhai bồ nam, gùng dà, kơnòl broă 6 nhai lồi nam; 17 jơnau rơcang cih jơnau lơh nền tàm pơrjum gơ rềng tus ală broă lơh sa, mpồl bơtiàn, priă jền, bơcri priă dà lơgar, broă lơh jơnau kờñ dà lơgar, broă lơh dong kờl; cồng nha jat sền mìng dùl tơngume nam 2025 mờ uă tơngume kuơmàng ndai.

Cau mblàng: K'Duẩn/ VOV Tây Nguyên

Viết bình luận

TIN CÙNG CHUYÊN MỤC