Tàm dơ̆ tìp mat kấp dờng, ồng Tô Lâm- Tổng Bí thư, Chủ tịch lơgar mờ Pơ ùr neh tam pà bal bè uă broă lơh tìp mat lơh kwèng niam chài tàm dơ̆ lòt còp kung bè bơta ndrờm bal bè broă lơh mờ niam chài bơh 2 lơgar dê. Ồng Tô Lâm- Tổng Bí thư, Chủ tịch lơgar đơs sùm, 2 lơgar geh uă tŭ tơngai niam sơlơ tơnguh tai lơh broă bal tàm gah bơto bơtê mờ bơsram, mpồl lơh broă jak uă, lơh sơnơm, niam chài, lòt nhơl, broă lơh sa suơn sre tàm tơngai tus.

Di dơ̆ do, ồng Tô Lâm- Tổng Bí thư, Chủ tịch lơgar ala mat Đảng, Dà lơgar mờ làng bol Việt Nam jà Bơtau Naruhito mờ Pơ ùr bơtau gờñ tus còp lơgar Việt Nam tàm dơ̆ tơngkah kir sơnrai 55 nam lơh geh bơta gĭt gơ̆p cribơyai broă mờ lơgar ndai Việt Nam mờ Nhờk tàm nam 2028; đơs nền dơ̆ lòt còp rơ̆p là broă lơh kah yau kwơ màng geh làng bol 2 lơgar kơ̆p gơn.