Tàm tơngai lòt còp, ồng Tô Lâm – Tổng Bí thư, Chủ tịch lơgar neh tìp mat cribơyai bal mờ mò Takaichi Sanae- Thủ tướng lơgar Nhờk; đơs tàm Quốc hội lơgar Nhờk, còp càr Kanagawa; Tìp mat cau gĭt wă jrô broă lơh, cau geh bồ tơngoh jak, cau jak chài pơn rơ jak cau Việt Nam tàm lơgar Nhờk; Tus bal Anih cribơyai ring bal bè lơh broă bal lơh sa mờ jak chài măi mok Việt Nam mờ Nhờk; Tìp mat bàr pe mpồl priă jền lam lài lơgar Nhờk mờ lơh uă dơ̆ tìp mat kấp dờng kwơ màng ndai. Ồng Tô Lâm- Tổng Bí thư, Chủ tịch lơgar mờ mò Takaichi Sanae - Thủ tướng lơgar Nhờk dùl nùs ring bal Jơnau yal bơr bal sền sơnơng bal Việt Nam mờ Nhờk nàng kờñ sơlơ tơnguh bơta gĭt gơ̆p “Tam klăc lơh broă bal jŏ jòng tơl làm Việt Nam mờ Nhờk tài ring lơngai mờ pas gơs tàm châu Á mờ tàm dunia” gơguh tus gơnoar broă pa, jat tàm nùs nhơm “Tam klăc bal lòt bal, bơceh lơh bal, geh kwơ bal, tài gơguh tai bơta niam uă, lơh tờm broă lơh kwơ màng mờ pràn is”.

Cồng nha dơ̆ lòt còp bơh ồng Tô Lâm- Tổng Bí thư, Chủ tịch lơgar dê neh pơgồp bơnah kwơ màng tàm broă pơn jat tai lơh kơ̆ kơl jăp mờ lơh jrô ơnàng rlau tai bơta gĭt gơ̆p Tam klăc lơh broă bal jŏ jòng tơl làm Việt Nam mờ Nhờk, tơrgùm sơlơ tơnguh tai lơh broă bal ngan ngồn, tơl làm tàm jơh ală gah broă tờm, lơh geh tai tŭ tơngai niam bơtàu tơnguh bơh tơl lơgar dê, cèng wơl bơta kwơ geh ngan ai làng bol in mờ tă pơgồp ai ring lơngai, pas gơs bơh tiah do dê.