Mho ngai 23/5, Phó Thủ tướng ồng Lê Thành Long lơh broă mờ Ƀộ Bơto bơtê mờ Bơsram bè jơnau rcang cih Jơnau lơh nền bơh Cíñ phủ dê bè tam pà gơnăp gơnoar bơh gơnoar atbồ ƀòn lơgar dê tàm gah bơto bơtê jat broă lơh rơndăp gơnoar atbồ ƀòn lơgar 2 kấp mờ Jơnau rcang cih Jơnau lơh nền bơh Cíñ phủ dê bè tam pà kấp, tam pà gơnoar tàm atbồ Dà lơgar tàm gah bơto bơtê. Tàm pơrjum, ală jơnau đơs Ƀộ, gah broă jờng rơ uă ngan bơta lơh ngan bơh Ƀộ Bơto bơtê mờ Bơsram, là Ƀộ sơn rờp ngan pơyoa jơnau rcang cih Jơnau lơh nền bơh Cíñ phủ dê tus Ƀộ Sền gàr Adat boh lam in nàng sền sơwì.

Đơs pơn dŭt pơrjum, Phó Thủ tướng ồng Lê Thành Long sồr Ƀộ Bơto bơtê mờ Bơsram kờp sền, tơrgùm wơl jơh ală kơnòl broă gam geh tŭ do mờ đơs loh gơnăp gơnoar bơh tơl kấp dê. Phó Thủ tướng kung sồr Ƀộ Bơto bơtê mờ Bơsram pal kơlôi sơnơng tơnguh tai gơnăp gơnoar tam pà kấp ai kấp sàh in. Gơwèt mờ ală kơnòl broă tàm gah do, kấp ƀòn lơgar gơtùi lơh jat geh uă rlau tai. Phó Thủ tướng ring bal bàr pe tơngume bè broă ntrờn gơnăp gơnoar bơh Cíñ phủ, Thủ tướng Cíñ phủ ai Ƀộ trưởng Ƀộ Bơto bơtê mờ Bơsram.