Phó Thủ tướng cih dờp ală tă pơgồp uă ngan bơh VNPT dê tàm tơngai lơh broă pa do, ngan là gơnoar broă tờm tàm lam lơh Cíñ phủ điện tử, tam gơl sồ dà lơgar mờ sền gàr gơnoar tờm tàm internet. Bulah pal kong uă bơta kal ke tàm lơgar mờ ală lơgar, VNPT kung đơs nền gơnoar broă tàm gah viễn thông, măi mok.

Phó Thủ tướng ồng Nguyễn Hoà Bình sồr Đảng ƀộ VNPT pơn jat tai lơh jat nùs nhơm tam gơl pa bơceh lơh, lơh pràn kơlôi sơnơng, lơh tờm jak chài măi mok, tă ngui priă jền nàng lơh geh bơta gơn kơnờm bơtàu tơnguh tam gơl pràn. VNPT pal lơh lài tàm lơh jat Jơnau lơh nền tàm pơrjum sồ 57 bơh Ƀộ Cíñ trị dê bè bơtàu tơnguh jak chài, măi mok mờ tam gơl sồ Dà lơgar.