Jat tơngume lơh broă, ƀùi drim, Anih duh broă Lơh kơnòl broă sùm Quôk hội ai jơnau đơs bè rơndap lơh Adat tam gơl, bơtơl bàr pe bơta bơh Adat tàm pơrlòng, pà khà jờng dê; ai jơnau đơs bè rơndap lơh Adat tam gơl, bơtơl bàr pe bơta bơh Adat anih lơh broă ala mat lơgar Kộng hòa sàh hội củ nghĩa Việt Nam tàm lơgar ndai. Anih duh broă Lơh kơnòl broă sùm Quôk hội rơp sền sơ wì, kĭ ring bal jơnau sồr bơh Thủ tướng Cíñ phủ dê bè broă tơn pồ Kwang atbồ anih ala mat lơgar Kộng hòa sàh hội củ nghĩa Việt Nam tàm lơgar ndai. Mờ kung sền sơ wì, ring bal Jơnau lơh nền tàm pơrjum bơh Anih duh broă Lơh kơnòl broă sùm Quôk hội dê ai lơh jat Jơnau pal jat lơh broă mờ lơgar ndai bơh Quôk hội dê.

Ƀùi mho, Anih duh broă Lơh kơnòl broă sùm Quôk hội sền sơ wì, ring bal jơnau lơh nền tàm pơrjum tam gơl, bơ tơl Jơnau lơh nền tàm pơrjum sồ 1744 ngai 27/6/2025 bơh Anih duh broă Lơh kơnòl broă sùm Quôk hội dê bè mat kwang geh jơng Mpồl duh broă sac rơ wah, jat sền Kwang atbồ cah rơña dà lơgar; ai jơnau đơs gơ wèt mờ sră yal bơh Kwang atbồ anih cah rơña làng bol dờng ngan rlau jơh dà lơgar dê yal Quôk hội in kĭ ring bal jơnau sồr tơn pồ Kwang atbồ cah rơña anih cah rơñah dờng ngan rlau jơh dà lơgar.