Quôk hội ring bal Jơnau lơh nền tàm pơrjum tam gơl bơtơl bàr pe bơta bơh Sơnoa boh lam nam 2013 dê
Thứ ba, 06:00, 17/06/2025
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Drim ngai 16/06, pơn jat tai broă lơh pơrjum dơ̆ 9, Quôk hội khoă 15 neh ring bal Jơnau lơh nền tàm pơrjum, bơtơl bàr pe bơta bơh Sơnoa boh lam nam 2013 dê.
Jat jơnau lơh nền tàm pơrjum, ală mpồl lơh broă sră nggal gơnoar atbồ geh bơyai lơh gơ gơs 2 kấp; càr, ƀòn dờng gơwèt Dà lơgar mờ ală mpồl lơh broă hơđơm càr bơh adat lơh nền. Bơh ngai 1/07, tơn jơh lơh broă mpồl lơh broă sră nggal gơnoar atbồ kấp kơnhoàl jơh gùt lơgar dê. Bơdìh hơ̆, Kông đoàn Việt Nam, Mpồl Cau lơh broă sa Việt Nam, Đoàn Ơruh pơnu, Mpồl tam klăc cau ùr, Mpồl Cau ling yau là ală mpồl cíñ trị- mpồl bơtiàn gơwèt Mặt trận Dà lơgar Việt Nam.
Broă tam gơl geh Dà lơgar, Ƀộ Cíñ trị, Ƀan Ƀí thư mờ Tổng Ƀí thư ồng Tô Lâm sồr lơh nền nòn, gơ gơs dơ̆ pơrjum cíñ trị jrô ơnàng làm uă, tơngŏ nùs nhơm lơh tờm, lơh jat niam bồ tơngoh kơlôi sơnơng, geh kơnòl, nùs nhơm kờñ gơboh Dà lơgar bơh jơh gùt làng bol dê.
Viết bình luận