Tàm dơ̆ wă, Thủ tướng Cíñ phủ đơs nền, lơgar Việt Nam lơh jăt sùm gùng dà broă lơh bal mờ lơgar ndai krơi is, lơh tờm, ơnàng niam, uă gah broă, uă bơta git gơ̆p; đơs tờm gùng dà broă bơ̆t bơtàu lơh sa krơi is, lơh tờm pơgồp bal mờ rơcang lài, tus bal tơrgùm mờ ală lơgar jrô ơnàng, mùl màl mờ geh cồng nha.

Thủ tướng Cíñ phủ sồr ồng Moolenaar mờ ală Nghị sìh lơgar Mỹ pơn jăt tai sền gròi, kờñ bal mờ broă bơtàu tơnguh bơh bơta git gơ̆p đah bàr lơgar dê, tàm hơ̆ geh broă sền wơl nàng ai lơgar Việt Nam lik bơdìh khà măt ală lơgar gơtìp sền gròi broă tăc phan jŏ jòng mờ lơh pràn broă sền sơwì nàng dờp Gùng dà lơh sa drà kă bro lơgar Việt Nam dê. Hạ nghị sìh ồng Moolenaar mờ ală Nghị sìh tàm mpồl hơ geh lơh ngan lơh pràn bơta git gơ̆p mờ lơh broă bal đah bàr lơgar, tàm hơ̆ geh bơta git gơ̆p lơh sa kă bro phan mờ cri bơyai dia đah bàr lơgar dê.