Tàm dơ̆ tìp, Bơtau lơgar Brunei chờ hờp sền gŏ gĭt gơ̆p đah Việt Nam mờ Brunei pơn jăt tai bơtàu tơngguh niam bơnĕ rlau 30 nam do. Bơtau lơgar Brunei đơs là bàr lơgar gam uă bơta pràn kờñ pal jòi lơh, lơh jăt niam rlau tai bè nhơm zờu, dà sơnơm, broă lơh sa sươn sre, phan ròng tàm dà mờ phan dà lềng, lòt nhơl, lơh gơs phan sa Halal. Bè pơlam gùng lơh broă bal 2 gah, Thủ tướng Cíñ phủ ồng Phạm Minh Chính sồr Brunei pơn jăt tai ai tơl bơta ƀươn ai ală mpồl lơh sa kă bro lơgar Việt Nam in lơh broă bal kă bro tàm gah nhơm zờu, dà sơnơm, phan sa; pà tai sră ai gơnoar ală ơhò lơh ka, làng bol lơh ka lơgar Việt Nam in geh lòt lơh ka ròng, ka dà lềng tàm tiah dà lềng lơgar Brunei dê; mơkung dong kờl lơgar Việt Nam pà sră cơng tàng, lơh gơlik phan sa Halal mờ ngui jơh bơta ƀươn phan ngui lơh li la rơ̆ ru bơh Việt Nam dê.

Di dơ̆ do, bàr nă kwang đơng lam dùl nùs bal pơn jăt tai lơh jăt geh cồng nha Broă lơh broă lam lơh jăt gĭt gơ̆p Tam klăc lơh broă bal Tơl làm đah Việt Nam mờ Brunei tơngai bơh nam 2023- 2027, mờ lơh jrô ơnàng rlau tai gĭt gơ̆p 2 gah tàm tơngai tus.