Thủ tướng sồr ai ngai 19/12/2025 nàng lam lơh dồ ròt tàm 5 anih, pal lơh di tơngai. Thủ tướng jàu Ƀộ Jak chài mờ Măy mŏk pơgồp bal lơh jơnau sồr rơndăp broă lơh dê; Ƀộ Cribơyai broă mờ lơgar ndai lơh broă mờ lơgar Lo yal tơnggit, pơlam lơh bal kă bro bal mờ Việt Nam bơceh lơh bơta chài măi mok; Ƀộ Bơt bơtàu pơgồp bal mờ càr, ƀòn dờng lơh nền gah gùng lòt, tơnguh mhar tơngai ai ù lơh rơndap broă.

Bè priă jền, Thủ tướng sồr Ƀộ Priă jền lơh broă mờ đah lơgar Lo nàng geh priă càn dong kờl priă cồng, mờ kung lơh kes priă 500 rbô tơmàn đong dong kờl ală ală rơndăp broă lơh bơ̆t bơtàu phan bơna kuơmàng, tàm hơ̆ geh rơndăp broă lơh gùng rơndeh ồs. Thủ tướng đơs nền, rơndăp broă lơh ờ mìng geh gơtha kuơmàng bè lơh sa – mpồl bơtiàn mờ gam pơgồp bơnah lơh geh bơta tơrbŏ bal ală tiah, rề ơnàng lơh broă bal ală lơgar.