Thủ tướng Cíñ phủ ồng Phạm Minh Chính đơs nền dơ̆ lòt còp geh gơha dờng ngan tàm tŭ tơngai 2 lơgar tơngkah 75 nam ngai lơh bơta git gơp cribơyai broă mờ lơgar ndai (1950 – 2025) mờ Việt Nam tơngkah 80 nam ngai crơng gơs dà lơgar. Thủ tướng đơs nền, Việt Nam ờ tŭ lơi huĭ bơta dong kờl kuơmàng ngan mờ lơgar Hungary neh lời ai Việt Nam in tàm dơ̆ tam lơh ai wơl lơngap lơngai is, tơrgùm dùl dà lơgar lài do mờ bơt bơtàu, bơtàu tơnguh dà lơgar tŭ do. Bàr gah ring bal pơn jat tai lơh jat geh cồng nha ală jơnau ring bal đah 2 lơgar, chồl pràn lơh broă bal tàm ală broă ờs mờng bè kă bro phan – bơcri priă, kơlôi sơnơng jak chài – măi mok, bơto bơtê mờ bơsram, sền gàr dà lơgar – sền gàr lơngăp lơngai, sơnơm tơmba, niam chài – lòt nhơl mờ tìp mat lơh kwèng làng bol, mờ kung rề ơnàng lơh broă bal tus ală gah mờ 2 lơgar geh bơta pràn mờ kờñ tàm dong kờl bal bè tam gơl sồ, bồ tơngoh jak kòn bơnus lơh gơs, lơh broă sa suơn sre, sơnơm tơm ba, cau lơh broă.