Tàm ală dơ̆ tìp, đơng lam bồ Mpồl duh broă mờ Anih duh broă câu Âu đơs nền EU jờng rơ uă ngan bơta gĭt gơ̆p mờ Việt Nam mờ tam pà bal bơta kơ̆p kờñ tơnguh bơta gĭt gơ̆p gơguh tus tam klăc lơh broă bal kwơ màng tơl làm.

Bè lơh lài bơta gĭt gơ̆p đah Việt Nam mờ EU tàm tơngai tus, Thủ tướng Cíñ phủ sồr 2 gah pal tơrgùm tàm broă tơnguh uă bơta gĭt gơ̆p Việt Nam mờ EU gơguh tus Tam klăc lơh broă bal kwơ màng tơl làm; pơn jat tai sơlơ tơnguh tai broă ring bal Jơnau kĭ hơ EVIPA; mờ sồr EC sền sơ wì sang tĕ sră rơmĭt IUU ai phan tam dà lềng Việt Nam. Đơng lam bồ Mpồl duh broă mờ Anih duh broă câu Âu ring bal pơgồp bal sơlơ tơnguh tai ală lơh lài lơh broă bal đah 2 gah mờ Thủ tướng Cíñ phủ neh đơs; đơs nền mờr tus rơ̆p geh tai lơgar tàm mpồl EU ring bal EVIPA. Tàm tơngai bơta dunia mờ tàm tiah do geh uă bơta ờ ring bal, 2 gah ring bal sơlơ tơnguh tai pơgồp bal sồr lơh geh lơh broă bal uă lơgar.