Mpồl bơtiàn cau lơgar Việt Nam tàm lơgar Tây tŭ do geh rơlao 300 rơbô nă, tàm hơ̆ geh di pơgăp 5 rơbô nă cau ngăc ngar mờ git nđờ rơbô nă cau kă bro.

Thủ tướng pà git, dơ̆ tus còp lơgar Tây do ai tơngŏ broă lơh ngan bơh lơgar Việt Nam dê nàng ai bơta git gơ̆p Tam klăc bal jŏ jòng tơl ală bơta đah lơgar Việt Nam mờ lơgar Tây ngai sơlơ jrô ơnàng, mùl màl. tàm ală dơ̆ lơh broă, Thủ tướng neh sồr ală kwang đơng lam bồ lơgar Tây ai tơl bơta ƀuơn nàng mpồl bơtiàn cau lơgar Việt Nam tàm lơgar Tây tơrgùm bal niam tàm mpồl bơtiàn lơgar do dê, prăp gàr bơta niam chài krơi is bal mờ dà đơs lơgar Việt Nam dê, pơgồp bal niam tàm broă lơh sa mpồl bơtiàn lơgar Tây. Thủ tướng sồr đah lơgar Tây pơn jăt tai ai tơl bơta ƀuơn nàng cau lơgar Việt Nam tơrgùm bal niam, prăp gàr jơnau đơs lơgar Việt Nam dê bal mờ bơta niam chài krơi is, lơh gơnoar tơrbŏ bal git gơ̆p lơh bơyô đah bàr lơgar dê. Thủ tướng hòi jà mpồl bơtiàn pơn jăt tai tơnguh nùs nhơm tam klăc bal, pơnyờ să jơi bơtiàn, pơgồp bal niam tàm broă bơtàu tơnguh lơgar Việt Nam bal mờ pơlam nùs nhơm kờñ gơboh dà lơgar ai rơnàng kơnòm să in.