Tàm 4 ngai tàm lơgar Tây, Thủ tướng ồng Phạm Minh Chính neh tus bal ală dar pơrjum bơh Pơrjum kấp dờng bè dà lềng dờng Liên hợp quôk dê. Thủ tướng geh jơnau đơs kwơ màng ala mat ai ală mpồl ală lơgar tiah đah Jum mat tơngai lik câu Á (Asean), mơkung tam pà bal nùs nhơm bơh lơgar Việt Nam dê bè prăp gàr mờ ngui kơ̆ kơl jăp jŏ jòng, dà lềng dờng mờ phan kwơ dà lềng dê.

Thủ tướng neh geh dơ̆ tìp mat kấp dờng mờ Kwang atbồ lơgar Tây ồng Emmanuel Macron; Tìp mat kấp dờng mờ Thủ tướng lơgar Tây ồng Francois Bayrou; Tìp mat kấp dờng mờ Củ tịc Thượng viện lơgar Tây ồng Gérard Larcher, tìp mat Củ tịc Quôk hội lơgar Tây ồng Yael Braun-Pivet. Cồng nha kwơ màng bơh dơ̆ lòt còp do dê là 2 gah neh kĭ hơ mờ tàm jài Sră nggal cih kah bè atbồ kơ̆ kơl jăp jŏ jòng phan kwơ mờ năng lượng.