Rơndăp broă lơh kờp jơh geh khà bơcri priă mờr 20 rơbô tơmàn đong, mờ kờp jơh bơta jòng Rơndăp broă lơh pơgăp 5 kơi sồ, tiah bơh chờm tàm tơrbŏ bal mờ gùng Nghi Tàm, tiah lồi dŭt tơrbŏ mờ gùng Trường Sa. Đơs tàm dơ̆ sơnđờm mut lơh, Thủ tướng ồng Phạm Minh Chính đơs nền, broă sơnđờm mut lơh Rơndăp broă lơh bơcri priă lơh rơbàng Tứ Liên rơ̆p pơgồp bơnah tơrmù ƀà bơta kơn jơ̆ gùng lòt rê tàm tiah drà tờm in, tàm tơrbŏ bal mờ Anih tờm ƀòn dờng Hà Nội mờ tiah đah Tô Dà lơgar, tiah đah Tô mat tơngai lik dà dờng Hồng, càr Thái Nguyên tàm tơrbŏ bal mờ Anih tờm Drà ràng tơlik Dà lơgar mờ gơl gùng lòt bơh ƀlàng rơndeh par Gia Bình rê tus Anih tờm Hà Nội, pơgồp bơnah bơtàu tơnguh lơh sa - mpồl bơtiàn bơh ƀòn dờng Hà Nội mờ Tiah càr lơgar dê in.

Thủ tướng sồr kấp ủy, gơnoar atbồ Anih duh broă Làng bol ƀòn dờng Hà Nội tơrgùm kràñ cê jơh nùs sồr cau tờm bơcri priă lơh, bơto pơlam jat sền, cau lơh broă mờ ală mpồl lơh broă geh gơrềng lơh jat niam ngan ală jơnau sồr măi mok, broă lơh bơh adat boh lam geh gơrềng, ờ gŏ di tơnguh priă bơcri, ờ gŏ di lời gơlik geh sa kuề sa kuà mờ bơta ờ niam, pơhì pơhà lơh hoàc huơr phan bơna jơ tài Dà lơgar dê.