Thủ tướng Cíñ phủ ồng Phạm Minh Chính neh đơng lam dơ̆ lơh broă mờ THủ tướng lơgar Campuchia mờ Thủ tướng lơgar Lào di dơ̆ tus còp mùl màl lơgar Malaysia, tus ală Pơrjum. Tàm nùs nhơm sơrmah sơrmài mờ dềt mềr, pe Thủ tướng neh tàm pơgơl bal bè ală gah broă lơh broă bal mờ ală bơta tàm ală lơgar, tàm tiah do geh sền gròi bal.

Pe Thủ tướng ring bal sền wơl uă gùng dà broă lơh ga, đah bàr lơgar bal mờ pe gah Việt Nam – Campuchia – Lào neh mờ gam gơguh cồng nha, pơgồp bal mù màl tàm broă tơnguh mờ bơ̆t bơtàu ai broă lơh bal pe lơgar in. Pe Thủ tướng đơs nền broă prăp gàr mờ tơnguh bơhiàn tam klăc bal, dong kờl bal đah lơgar Việt Nam – Campuchia – Lào sơlơ pal geh mờ kwơ màng rơlao tŭ lơi jơh, là dùl tàm ală bơta tờm lơh pràn lơh broă bal nền nòn đah pe lơgar dê.