Đơs tàm Dơ̆ sơn đờm mŭt lơh, Thủ tướng ồng Phạm Minh Chính tơlik nùs nhơm chờ hờp tŭ tus mŭt lơh dùl rơndăp broă tờm, geh kwơ màng jŏ jòng gơwèt mờ broă bơtàu tơnguh lơh sa mpồl bơtiàn càr Hưng Yên bal mờ gùt lơgar dê.

Thủ tướng kơ̆p kờñ Rơndăp broă lơh gơs dùl rùp rài, ai tơngŏ bơta git gơ̆p lơh broă bal jŏ jòng tơl ală bơta, nền nòn, kơl jăp đah bàr lơgar Việt Nam mờ Mỹ dê. Thủ tướng jào càr Hưng Yên lơh broă bal mờ cau bơcri priă tàm broă tơm ntrờn ù tiah. Drơng gàr rài kis ai ală hìu nhă, ală cau neh lời ù tam phan nàng ai rơndăp broă lơh do in, gàr kơl jăp rài kis phan bơna, nùs nhơm làng bol in niam rơlao mờ tiah ơm kis lài. Mờ ală sờh, gah lơh broă pơn jăt tai dong kờl uă ngan bè sră nggal tàm broă lơh rơndăp broă, bơsong jơh ală bơta gơkòl gơlik geh tàm broă lơh rơndăp broă do.