Thủ tướng đơs sùm nùs nhơm “ƀòn lơgar lơh nền, ƀòn lơgar lơh, ƀòn lơgar kong kơnòl”, gơlòt bal mờ tam pà bơta pràn, tơngguh uă pràn jak lơh jăt mờ tơngguh tai jăt sền, sền swì, rơcăng dră sa kwề sa kwà. Thủ tướng sồr Ƀộ Sền gàr adăt boh lam mờ Ƀộ Broă dơlam is ring bal bè khà kờp bè ală jơnau lơh nền cíñ phủ dê pà kâp, pà gơnoar bơh Cíñ phủ tus ală ƀộ, gah, ƀòn lơgar; tàm hơ̆ geh 28 jơnau lơh nền cíñ phủ dê neh geh cih mờ tus ngai 30 nhai 05, jơh ală 28 jơnau lơh nền cíñ phủ dê geh lùp sền nền jơh mờ pal cih tàm jơnau yal pơyua Ƀộ Cíñ trị in. Thủ tướng đơs là, bơh tŭ do tus ngai 10/06, ală ƀộ, gah iăt kơno jơnau đơs tă pơgồp, kờp sền nền wơl ală tơnggume pal rềp mềl mờ bơta geh ngan tàm rài kis, bañ lời hŭi, ờ rơndăp ờ rơndồl…

Ală Phó Thủ tướng geh jàu kơnòl pal kờp sền nền wơl, lơh sir mờ lơyài ngan rlau jơh là tus ngai 15 nhai 06 pal ai lơh jăt wil tơl ală jơnau lơh nền cíñ phủ dê. Tơnơ̆ hơ̆, digơlan bơyai lơh pơrjum bơto yal tus ƀòn lơgar, lơyài ngan rlau jơh lơh sir lài mờ ngai 18 nhai 06.