Tàm 2 ngai, ngai 14 mờ 15 nhai 6 pơrjum pờ tơlik tơn tàm internet pơlam tàp ờs mờng, lơh broă geh gơrềng tus broă lơh bơt bơtàu Đảng, atbồ Dà lơgar, bơyai lơh mờ lơh broă bơh Mặt trận Dà lơgar, ală mpồl cau cíñ trị tàm kấp sàh pa neh bơyai lơh, mờ mờr 11 rơbô anih pờ tơlik tàm internet mờ 1 tơlak 500 nă cau ala mat tus bal. Broă lơh tơrgùm tàm ală tơngume bè rơndăp mpồl lơh broă gơnoar atbồ ƀòn lơgar 2 kấp, tơnguh uă cồng nha lơh broă bơh ală anih lơh broă cíñ trị tàm ƀòn lơgar.

Đơs pơndŭt pơrjum, Thủ tướng ồng Phạm Minh Chính đơs sùm jơnau kờñ dờng ngan rlau jơh là gàr kơ̆ lơngap lơngai is, gơnoar tờm Dà lơgar, bơtàu tơnguh rài kis làng bol. Thủ tướng sồr gơnoar atbồ ƀòn lơgar pal tam gơl bơh bơta ờ rcang lơh jat is tus rcang lơh jat is, bơceh lơh, drơng broă làng bol geh cồng nha. Mờ kấp ủy, gơnoar atbồ ală kấp pal jat tàm bơta geh ngan, iăt kơno jơnau đơs làng bol dê, sơlơ tơnguh tai tus rềp mờ ƀòn lơgar, bơsong ală broă sră ngal gơnoar atbồ, jơnau yal yă di tŭ, geh kơnòl mờ geh cồng nha