3 sàh: Măng Đen, Măng Bút mờ Kon Plông, càr Quảng Ngãi geh bă ù ơnàng, geh uă bơta ƀuơn bơta pràn bơtàu tơnguh broă lơh sa suơn sre, lơh sa brê mờ lòt nhơl ƀòn brê bơnơm. Chi che brê gàr niam tàm khà uă, tàm Măng Đen lơh geh mờr 68%, tàm Kon Plông lơh geh rlau 83%, lơh geh bơnàng jă ai bơtàu tơnguh lơh sa tơlir.

Tŭ do, tiah Măng Đen – Măng Bút – Kon Plông geh bơta ƀuơn bơta pràn mpờl gŏ ngan nàng bơtàu tơnguh lòt nhơl ƀòn brê bơnơm, ơm rlô să mờ broă lơh sa suơn sre “tiah mrềt”, tàm hơ̆ Măng Đen gàr gơnoar broă tờm. Ồng Nguyễn Hoàng Giang, Củ tịc Anih duh broă Làng bol càr Quảng Ngãi sồr ală tiah lơh pràn bơtàu tơnguh broă lơh sa suơn sre ƀòn brê bơnơm, lơh geh tiah lơh gơlik phan bơna geh mat kă bro bè kơphê Arabica, Kơnuh sơnơm Ngọc Linh, Đẳng sâm, biăp bơkào tiah mrềt drơng broă lòt nhơl.