Tơm boh bơr đềt mềr mờ ală oh, Tổng Ƀí thư ồng Tô Lâm đơs nền, ală oh rơp ờ tŭ lơi ơm dồ nă să is mờ gơnoar là ală làng bol tơl làm tàm rài kis mpồl bơtiàn. 

Tổng Ƀí thư sồr, pal bơt bơtàu ală broă lơh dong kờl ring bal ai bơto bơsram krơi is ngan, tàm hơ̆ geh pơgồp bal đah hìu bơsram mờ hìu sơnơm, anih tờm sơm kòp, anih bơto bơtê bơta chài, lơh pràn wơl să jan mờ pơlam bơsram broă lơh; sơlơ bơto bơtê cau pơgru krơi is, kwang bàng sơm kòp, nùs tồr kơnòm bơsram; lơh ală anih sră nggal bơsram, phan bơna bơto bơtê mờ bơsram dipal mờ tơl bơta ờ niam să jan, dong kờl priă jền, priă dong kờl bơsram, sền gàr rềs àr mờ phan bơna bơsram ai kơnòm bơsram kuet kơlte tàm jơh bal tiah ƀòn dờng, ƀòn drà dờng mờ ƀòn lơgar, tiah sar lơgar ngài, lơh ală anih tờm dong kờl bơto bơsram krơi is, lơh ală broă lơh hìu bơsram đềt mềr, phan bơna gơtùi ngui mờ tơl bơta kuet kơlte.