Đơs sùm, priă jền nàng bơcri bơtàu tơnguh tàm tơngai tus là uă ngan, jơnau sồr ai tơlik là ngui priă bơcri geh cồng nha, ờ lời gơlik geh bơta sa kuề sa kuà, pơhì pơhà, ờ niam. Tổng Ƀí thư ồng Tô Lâm sồr ală kâp ủy, mpồl lơh broă Đảng, ală anih lơh broă geh gơnoar pơn jat tai tơrgùm đơng lam, sồr lam lơh geh cồng nha ală kơnòl broă, mờ gùng dà là kràñ cê, kơ̆ dơn, đơs dồ êt mơya lơh uă, lơh gơlik bơta tam gơl niam, ngan ngồn nàng làng bol in sền gŏ, làng bol in ring bal, làng bol in kờñ bal dồ nùs.

Tơngkah bè ală kơnòl broă tờm tàm tơngai tus, Tổng Ƀí thư ồng Tô Lâm sồr tơrgùm lơh gơs kơrnuat boh lam ală gùng dà, broă lơh, jơnau lơh nền, jơnau đơs bơh Đảng dê bè lơh glài ală broă lơh tìs, broă gơlik geh sa kuề sa kuà, pơhì pơhà, ờ niam; sơlơ gròi sền gơnăp gơnoar gơ jat bal mờ lơh sir gơnoar atbồ ƀòn lơgar 2 kâp; lơh mhar lùp khàu, bơsong jơh ală broă lơh tìs, broă gơlik geh geh mpồl bơtiàn sền gròi. Tổng Ƀí thư ồng Tô Lâm sồr lơh pràn rơcang lài kơryan sa kuề sa kuà, pơhì pơhà, ờ niam gơ jat bal mờ jơnau sồr bơtàu tơnguh.