Tơnơ̆ mờ tŭ iăt jơnau yal bơh Ƀộ Lơh sa mờ măi mok kă bro phan bal mờ ală jơnau đơs pơgồp bal bơh ală cau ala măt tus pơrjum, ồng Tôn Lâm, Tổng Ƀí thư sồr Ƀộ Lơh sa mờ măi mok kă bro phan pơn jăt tai kơlôi sơnơng, iăt tơl ală jơnau đơs tàm dơ̆ pơrjum, mhar sền wơl mờ yal Ƀộ Cíñ trị, Mpồl Đơng lam Đảng in ală bơta gam gơlik geh tàm broă lơh sa kă bro phan đah lơgar he mờ ală lơgar lơh broă bal kwơ màng mờ ai geh gùng dà broă lơh nàng bơsong.

Bè gùng dà bơtàu tơnguh broă lơh sa kă bro phan đah he mờ ală lơgar lơh broă bal tàm tơngai tus, Tổng Ƀí thư đơs nền, gùng dà broă lơh bơh Đảng, Dà lơgar Việt Nam là lài kung bè tơnơ̆ lơh jăt gùng dà broă lơh mờ lơgar ndai krơi is, lơh tờm tài bơta ring lơngai, git gơ̆p lơh bơyô bal, lơh broă bal mờ bơtàu tơnguh, uă gùng dà broă lơh, lơh broă bal mờ uă lơgar, gàr niam bơta kwơ dà lơgar, jơi bơtiàn tàm bơta dờng ngan rơlao jơh.