Tổng Ƀí thư jờng rơ uă ngan broă Mpồl Mblàng yal bơto bơtê mờ Hòi jà Làng bol Dà lơgar neh mhar ngan bè ờs wơl mpồl lơh broă, tơrmù di pal cau lơh broă sa priă nhai, rơndăp tăp sèng mpồl kwang bàng, kràñ cê jơh nùs lơh jat đơng lam bơh Mpồl Cíñ trị, Ƀan Ƀí thư jat di mờ nùs nhơm “ntoăt jài săp sèng jài”.

Tổng Ƀí thư ồng Tô Lâm sồr, tàm tơngai tus jơh gùt gah lơh broă Mblàng yal bơto bơtê mờ Hòi jà Làng bol pơn jat tai kơlôi sơnơng tam gơl pa bồ tơngoh kơlôi sơnơng bơh ờs mờng tus tơngai pa tŭ do, lơh geh jơnau sồr ngai sơlơ uă tàm tŭ bơtàu tơnguh Dà lơgar; is ồn bơt bơtàu mpồl lơh broă jơh nùs jơh tồr drơng broă làng bol, sùm wèt mờ ƀòn lơgar mờ rềp mềr, tam klăc bal mờ làng bol.