Tàm 08 ngai, mờ rlau 80 broă lơh, Tổng Ƀí thư ồng Tô Lâm neh geh ală dơ̆ pơrjum bơyai, tìp măt kâp dờng mờ Đơng lam kâp dờng ală lơgar, tam tìp mờ tàm lùp mờ ală đảng cíñ trị, ală rơnàng, mpồl lơh sa kă bro, còp bàr pe anih lơh sa, niam chài, tìp măt mpồl bơtiàn cau Việt Nam tàm ală lơgar. Tổng Ƀí thư neh tus bal Dơ̆ tơngkah kir sơnrai 80 nam Ngai Tam lơh jai pha tàm Tam lơh Sền gàr dà lơgar dờng ngan tàm lơgar Nga mờ Kazakhstan, bơh hơ̆ tơnggŏ bơta ki ngàm mờ jờng rơ bơh lơgar Việt Nam dê gơ wèt mờ bơta phi să, roh rui dờng ngan bơh ală lơgar gơ wèt Liên Xô yau dê tàm dơ̆ tam lơh dră wơl bol sò tơm iơh bơsak phát xít, tơn jơh tam lơh dunia dơ̆ II mờ pờ gơlik pang pa ai srơh tam gơl bơta yau gơgơs bơta pa in mờ dong klàs jơi bơtiàn tàm jơh gùt dunia, tàm hơ̆ geh Việt Nam.

Ală cồng nha lơh geh tàm dơ̆ lơh broă rơ̆p là bơnàng jă kwơmàng, là bơta gơn kơnờm mờ là jơnau gơdan nàng Việt Nam mờ ală lơgar in pơn jăt tai tàm pơn jăt tàm pơdờn, lơh jăt mờ tơngguh broă gĭt gơ̆p lơh bơyô ờs mờng bơh yau, tă pơgồp tàm bơta bơtàu tơngguh bơh tơl lơgar dê, tài bơta kwơ làng bol dê, tài ring lơngai, lơh broă bal mờ bơtàu tơngguh tàm kơnhoàl ù tiah do mờ tàm dunia.