Tổng Ƀí thư tơlik nùs nhơm ưn ngài mờ đơs niam ală broă tă pơgồp bal bơh ồng Assomo dê tàm broă prăp gàr mờ tơnguh phan lời wơl niam chài tàm lơgar Việt Nam. Tổng Ƀí thư đơs tờm, lơgar Việt Nam rơ̆p pơn jăt tai tơrgùm uă tàm rài kis ală lơgar, pơgồp bal niam ai bơta ring lơngai, bơtàu tơnguh kơl jăp mờ lơh broă bal gùt plai ù.

Lơgar Việt Nam tŭ lơi kung rơcang tam pà bal broă lơh mờng chài tàm broă prăp gàr phan lời wơl mờ tus bal niam tàm ală broă lơh bơh UNESCO dê. Tổng Ƀí thư  sồr Anih tờm Phan lời wơl Dunia pơn jăt tai lơh broă bal mờ lơgar Việt Nam tàm broă yal bơta kwơ niam chài mờ lơh gơs sră nggal lơh geh wơl Điện Kính Thiên tàm phan lời wơl Hoàng Thành Thăng Long, gờñ yal UNESCO sền sơwì mờ dờp.