VOV4.K'Ho- Ngai òr (20/5), Mpồl cih sră niam chài đơs crih tamya càr Dăk Lăk tơn jơh dơ̆ pơrlòng cih “Pơn yờ să cau ling sền gàr tiah nhàr lơgar càr Dăk Lăk” gờm chờ 50 nam Ngai crơng gơs Mpồl ling sền gàr tiah nhàr dà lơgar càr Dăk Lăk (23/05).

VOV4.K'Ho- Ngai òr (20/05), tàm ƀòn dờng Buôn Ma Thuột, geh bơyai lơh Pơrjum lùp mpồl bơtiàn gơwèt mờ Jơnau rơcang cih Jơnau lơh nền tàm pơrjum bơh Mpồl duh broă làng bol càr Dăk Lăk dê bè broă dong kờl mpồl lơh sa kă bro.

VOV4.K'Ho- Drim òr (20/05), tàm Hìu lơh broă Đảng Dà lơgar, Tổng Ƀí thư ồng Tô Lâm neh wă ồng Lazare Eloundou Assomo, Kwang lam bồ Anih tờm Phan lời wơl Dunia bơh UNESCO dê.

VOV4.K’Ho- Mho ngai 19/05 tàm Hà Nội, Tổng Ƀí thư ồng Tô Lâm tus bal mờ đơs sồr lơh tàm pơrjum tơn jơh 10 nam lơh jăt Jơnau sồr sồ 05 Ƀộ Cíñ trị dê bè lơh pràn mờ bơsram lơh jăt bồ tơngoh, nùs nhơm, broă lơh Củ tịc Hồ Chí Minh dê mờ sền wơl cồng nha lơh jăt Jơnau sồr pal jăt sồ 09 Anih duh broă đơng lam Đảng Kwang àng Dà lơgar dê bè broă bơsram, lơh jăt 6 bơta Wa Hồ dê bơto Kwang àng làng bol.

VOV4.K'Ho- 05 nam do srơh tàm pơrlòng gơboh lơgar tàm rlau 100 anih lơh broă mpồl cau ùr càr Kon Tum, neh lơh gơlik geh tam gơl uă ngan, ngan ngồn, lơh gơrề pràn kơldang tàm mpồl bơtiàn.

VOV4.K'Ho- Mho òr (19/05), tàm Hìu lơh broă Củ tịc, Đảng ƀộ Cơldŭ lơh broă Củ tịc lơgar yŭ rơyùm bơyai lơh dơ̆ jào Sơlong 40 sơnam Đảng pà ồng Lê Khánh Hải, Cau lam bồ mờ kong kơnòl Cơldŭ lơh broă Củ tịc lơgar.

VOV4.K’Ho- Lơh jăt Jơnau sồr sồ 05 Ƀộ Cíñ trị khoă XII dê bè lơh pràn bơsram mờ lơh jăt bồ tơngoh, nùs nhơm, broă lơh mờ rài kis Hồ Chí Minh dê, ală nam do, ală kâp ủy Đảng, gơnoar ătbồ mờ làng bol càr Kon Tum neh lam lơh jrô ơnàng làm uă, geh cồng nha tơngume bơsram mờ lơh jăt Wa Hồ, gơ jăt bal mờ kơnòl broă cíñ trị, bơta krơi is tơl ƀòn lơgar, mpồl lơh broă dê. Bơh ală ci ƀộ tàm tiah nhàr lơgar bè sàh Rờ Kơi, kơnhoàl Sa Thầy tus ală mpồl phàu crong, srơh bơsram mờ lơh jăt krơh Wa Hồ dê neh lơh gơrề pràn kơldang, gơgơs bơta gơn kơnờm lơh geh tơl bơta bơtàu tơngguh lơh sa – mpồl bơtiàn, gàr kơnhăp dà lơgar- lơngăp lơngai mờ bơ̆t bơtàu ală anih lơh broă cíñ trị kơnhăp pràn.

VOV4.K’Ho- Drim òr (19/05), tàm Hà Nội, Thủ tướng ồng Phạm Minh Chính tus bal dơ̆ sơnđờm mut lơh Rơndăp broă lơh bơcri priă lơh rơbàng Tứ Liên.

VOV4.K’Ho- Drim òr (19/05), Phó Ƀí thư Duh broă sùm Đảng Cíñ phủ, Phó Thủ tướng Duh broă sùm ồng Nguyễn Hoà Bình tus bal mờ đơs sồr lơh tàm Pơrjum dờng cau ala mat dơ̆ 15, kơnòl broă bơh nam 2025 – 2030, Đảng ƀộ Anih priă jền Kă bro phan Pơgồp bal Bơcri priă mờ Bơtàu tơnguh Việt Nam (BIDV).

VOV4.K’Ho- Di dơ̆ tơnkah 135 nam Ngai deh Củ tịc Hồ Chí Minh dê, ală tiah tàm tiah Tây Nguyên bơyai lơh uă broă lơh gờm chờ.