Mpồl neh tus sền tơn tàm anih đùh sră sồ 38, sơnah ƀòn Buôn Ma Thuột bè broă rơcang phan bơna, broă lir khà măt cau tĕ khà, khà măt cau tơlik măt tĕ khà, bơyai tàp broă tĕ khà. Jăt jơnau yal, anih đùh sră sồ 38 geh rơlao 3 rơbô 110 nă cau tĕ khà gơwèt jơnum ƀòn drà 5 mờ jơnum ƀòn drà 8 tus bal tĕ khà.

Tus tŭ do, ală broă rơcang ai ngai tĕ khà neh geh lơh tơl, di mờ jơnau geh ai; phan bơna, phan lơh broă drơng tĕ khà geh rơcang lài nền nòn. Tàm dơ̆ pơrjum mờ ală Kwang bàng lơh broă tàm Anih duh broă tĕ khà càr, mò Cao Thị Hoà An, Kwang geh jơng tàm Đảng Dà lơgar, Phó Ƀí thư Duh broă sùm Tỉñ ủy, Củ tịc Mpồl duh broă Làng bol càr, Củ tịc Anih duh broă tĕ khà càr Dăk Lăk sồr pơn jăt tai sền wơl, tơrgùm di pal khà măt cau tĕ khà; lơh pràn broă mblàng yal mờ uă broă lơh nàng geh nùs nhơm chờ hờp tàm làng bol.