VOV4.K'Ho- Bàr Thủ tướng ring bal sồr mhar lam lơh 2 rơndap broă lơh tơrbŏ bal gùng lòt kuơmàng là gùng rơndeh lòt mhar Hà Nội – Vientiane, gùng rơndeh ồs Vientiane – Vũng Áng.

VOV4.K'Ho- Lơh jat jơnau lơh nền bơh dà lơgar dê bè rơndap tap sèng mpồl lơh broă sră pơ àr gơnoar atbồ kâp sàh, Anih duh broă làng bol càr Kon Tum gam lam lơh broă sền sơ wì bơta geh ngan, mờ kung kờp dŭ lài bă tiah lơh anih lơh broă dùl mpồng kâp sàh pa nàng broă bơsong sră pơ àr gơnoar atbồ ờ gơtìp ơm ing.

VOV4.K'Ho- Drim òr (26/05), Thủ tướng Cíñ phủ ồng Phạm Minh Chính bal mờ ală kwang đơng lam sơn đờm ală broă lơh tàm Pơrjum Kấp dờng mpồl ASEAN dơ̆ 46 mờ ală pơrjum kấp dờng gơrềng bal geh bơyai lơh tàm càr lơgar Kuala Lumpur, lơgar Malaysia.

VOV4.K’Ho- Pah tŭ kàl rlô bơkang tus, bơta chờ hờp kơnòm dềt kung bal mờ bơta kơlôi rcang geh sùm bơh ală mè bèp dê, hơ̆ là bơta bŭ dà tàm kơnòm dềt. Tàm càr Dăk Nông, tiah geh tơnau dà, dà dờng, dà croh uă ngan, bơta kơlôi rcang hơ̆ sơlơ gơ gơs gơ jal ngan rlau jơh. Muăt jrùm ngan là mìng tàm bàr pe nhai bồ nam 2025, neh geh 18 nă kơnòm dềt chơ̆t tài bơh bŭ dà. Den tàng ală anih lơh broă geh gơnoar neh mờ gam lơh bè lơi nàng kơryan bơta ngòt rơngơ̆t do taih? Jơnau cih tơnơ̆ do rơ̆p cih yal bơta geh ngan kờñ pal đơs lài ngan, mơkung cih dờp bơta lơh ngan bơh gơnoar atbồ, ală mpồl cau mờ gah bơto bơtê dê tàm broă sền gàr lơngăp lơngai màng kis ai kơnòm dềt in.

VOV4.K’Ho- Drim òr (26/05), tàm Hìu lơh broă Củ tịc, Củ tịc lơgar ồng Lương Cường mờ pơ ùr neh đơng lam dơ̆ wă rò Kwang atbồ lơgar Tây ồng Emmanuel Macron mờ pơ ùr còp kấp Dà lơgar tus lơgar Việt Nam.

VOV4.K’Ho- Drim òr (26/05), Phó Thủ tướng Duh broă sùm ồng Nguyễn Hoà Bình neh tus bal mờ đơs tàm dơ̆ sơnđờm mut pơrjum dờng cau ala mat Đảng ƀộ Tập đoàn Bưu Cíñ Viễn thông Việt Nam (VNPT) dơ̆ 25, tơngai lơh broă bơh nam 2025–2030.

VOV4.K’Ho- Mpồl đảng viên kơnòm să tàm càr Dăk Lăk gam ngai sơlơ đơs nền gơnoar broă lơh lài, lơh krơh tàm tơl gah broă lơh. Mờ nùs nhơm jơh nùs jơh tồr, bơceh lơh mờ gĭt wă kơnòl uă uă, khi ờ mìng lơh sir niam kơnòl broă broă lơh ờs mờng, mờ gam jơh nùs tus bal ală broă lơh, tài mpồl bơtiàn, pơgồp bơnah lơh gơrề uă ală bơta kwơ niam bơnĕ Đảng dê tàm rài kis mpồl bơtiàn.

VOV4.K'Ho- Do là lơgar sơn rờp tàm dơ̆ lòt còp tiah đah jum mat tơngai lik câu Á bơh Kwang atbồ lơgar Tây dê, ai tơnggŏ bơta sền dờng màng uă ngan mờ lơgar Tây lời ai Việt Nam in.

VOV4.K'Ho- Mho òr (25/05), tàm Hìu lơh broă Thủ tướng Malaysia, Thủ tướng ồng Anwar Ibrahim neh đơng lam dơ̆ wă rò ngan ngồn Thủ tướng ồng Phạm Minh Chính, Pơ ùr mờ mpồl kwang bàng kâp dờng lơgar Việt Nam còp ngan ngồn lơgar Malaysia.

VOV4.K’Ho- Drim òr (25/05), tàm Hìu lơh broă Củ tịc, Củ tịc lơgar ồng Lương Cường neh wă mò Men Sam On – Củ tịc Mpồl duh broă Mặt trận Dà lơgar Tam klăc Bơtàu tơnguh Dà lơgar Campuchia, Củ tịc Mpồl Lơh bơyô bal Campuchia- Việt Nam- gam lam bồ Mpồl ala mat kwang bàng kấp dờng Campuchia tus pơrjum ies tơ̆p ƀồc Củ tịc lơgar lài do ƀồc ồng Trần Đức Lương