Jăt jơnau cih bơh anih yal tơngit jơnau dà lơgar Malaysia - BERNAMA dê, dơ̆ tĕ khà geh bơyai lơh tàm tŭ lơgar Việt Nam gam lơh pràn broă lơh gơs mpồl lơh broă drơng ală jơnau kờñ kwơ màng bơtàu tơnguh jŏ tơngai in.

Jơnau cih tàm sră ƀăo do đơs là dơ̆ tĕ khà ờ mìng là dơ̆ nàng cau tĕ khà gùt lơgar lơh jăt gơnoar bal mờ kơnòl bơh làng bol, rơwah ală cau ala măt nàng ala bồ tơngoh, jơnau kơ̆p kờñ bơh să tờm dê tàm Quốk hội mờ Mpồl duh broă Làng bol ală kấp tàm tơngai lơh broă pa, mờ gam là broă lơh jăt mùl màl Jơnau lơh nền tàm Pơrjum dờng dơ̆ XIV Đảng Kộng sản Việt Nam dê, pơgồp bal mờ broă kwang bàng mờ kơnòl broă bơh ală kấp, ală gah lơh broă dê.

Tàm lơgar Lo, anih yal tơngit Tân Hoa sàh đơs nền bơta kwơ màng mờ broă lơh bơh dơ̆ tĕ khà dê mờ pà git, mờr 79 tơlăk nă cau tĕ khà lơgar Việt Nam tus bal lòt đùh sră nàng pồ geh 500 nă cau ala măt Quốk hội khoă XVI, mờ rơwah cau ala măt Mpồl duh broă Làng bol ală kấp tơngai lơh broă pa in. Ndrờm bal bè hơ̆ sơl, ƀăo Nikkei, lơgar Nhờk kung đơs niam broă tĕ khà là dơ̆ nàng làng bol tus bal rơwah ală cau ala măt jơnau đơs mờ bơta kwơ bơh làng bol dê.