Tàm khà mờr 2 tơlăk 600 rơbô nă cau tĕ khà gùt càr Lâm Đồng geh 99,66% cau tĕ khà neh lòt đùh sră. Tàm hơ̆ geh 59 tàm 124 kấp sàh; 1 rơbô 951 anih tàm 2 rơbô 296 anih đùh sră geh khà 100% cau tĕ khà lòt đùh sră. Jăt jơnau bơh Anih duh broă Tĕ khà càr Lâm Đồng đơs, cau tĕ khà gùt càr dờp bal ngai tĕ khà uă ngan, tơlik nùs nhơm pin dờn tàm dơ̆ tĕ khà.

Cau tĕ khà sền gròi tus tàm broă sền nàng khà măt, rài kis broă lơh tơrgùm bal bơh ală cau tơlik măt tĕ khà dê lài mờ tŭ cih tàm prang sră. Jơnau tàm Làng bol đơs niam, ai tơngŏ nùs nhơm geh kơnòl, tam klăc bal mờ pin dờn tàm cồng nha bơh dơ̆ tĕ khà dê.

. Càr Gia Lai neh geh 99,76% cau tĕ khà lòt tĕ khà cau ala mat Quôk hội khoă XVI mờ cau ala mat Mpồl duh broă Làng bol ală kâp, tơngai lơh broă bơh nam 2026 tus nam 2031. Càr Gia Lai cih dờp khà cau tĕ khà lòt tĕ khà uă ngan. Tàm mờr 2 tơlak 600 rbô nă cau tĕ khà geh mat tàm mat cau tĕ khà, 99,76% cau tĕ khà neh lòt đùh sră lam lơh gơnoar làng bol. Pal đơs là 96 tàm 135 sàh, sơnah ƀòn cih dờp cau tĕ khà lòt tĕ khà wil tơl 100%. Cồng nha do ai gŏ nùs nhơm geh kơnòl mờ bơta ring bal dùl nùs bơh làng bol dê tàm ngai chờ dờng bơh dà lơgar dê, mờ kung ai gŏ bơta rơcang nền nòn, wil tơl bơh càr dê.

Cau tĕ khà đơs niam ngan broă lơh rơcang, bơyai lơh tĕ khà bơh ală kâp, ală gah broă lơh càr Gia Lai dê. Mờ kung kơp kơnờm ală cau ala mat tơnơ̆ tŭ geh pồ rơp iat mờ lơh broă tài bơta bơtàu tơnguh bal bơh càr mờ dà lơgar dê.

TN8: Mpồl sồr lơh tĕ khà càr Khánh Hoà pà git, dơ̆ tĕ khà Quốk hội khoă XVI mờ Mpồl duh broă Làng bol ală kấp tơngai lơh nam 2026 tus 2031 tàm càr do geh bơyai lơh geh cồng nha ngan, tus 5 jơ mho, khà cau lòt đùh sră geh mờr 99%, 47 tàm 65 sàh, sơnah ƀòn tiah is ồn geh khà cau tĕ khà lòt đùh sră geh 100%.

Ồng Nghiêm Xuân Thành, Ƀí thư Tỉñ ủy, Kwang lam bồ Sồr lơh tĕ khà càr Khánh Hoà sồr ală mpồl kờp sền sră pồ lơh jăt nền nòn broă sền kờp sră, tơnguh broă sền gròi, jăt sền, bañ lời gơtìp geh jơnau yal yă, yal khài. Ală anih lơh broă tờm gơrềng bal lơh gơs sră nggal nàng di tŭ yal cồng nha tĕ khà càr dê tus Mpồl duh broă Tĕ khà dà lơgar mờ yal cồng nha di jăt tơngai geh ai