Đơs tàm pơrjum, Tổng Ƀí thư đơs loh jơnau kờñ bơh dơ̆ lòt sền dê nàng kờñ sền sơ wil tơl làm broă đơng lam, sồr lơh kơlôi sơnơng, bơsram, pơlam lơh jat, mblàng yal mờ lam lơh jat Jơnau lơh nền tàm pơrjum dờng dơ̆ XIV bơh Đảng dê bal mờ ală jơnau lơh nền, jơnau sồr bơh Ƀộ Cíñ trị dê geh gơrềng.

Bơh sền sơwì, mpồl lơh broă rơp sền gŏ ală broă lơh pa, bơceh lơh, geh cồng nha, mờ kung tơn jơh ală mờng chài niam tàm tŭ lam lơh jat tàm Đảng ƀộ ƀòn dờng Hà Nội; sền sơwì song dơpă ală bơta niam, bơta ờ niam bơh Mpồl Lơh kơnòl broă sùm Thàñ ủy ƀòn dờng dê tàm ală tơngume geh sền sơwì. Tổng Ƀí thư ồng Tô Lâm sồr ală kwang geh jơng tàm mpồl sền sơ wì đòm jat nùs nhơm geh kơnòl, lơh jat nền nòn bơta jàu kơnòl bơh đơng lam mpồl dê, rơcang lài sền sơ wì, git nền, kơlôi sơnơng sră nggal, sră pơ àr geh gơ rềng nàng kờñ gàr bơta niam, tơngai hơ pơrgon lam lơh sền sơwì jat broă rơndap lơh ai tơlik.