VOV4.K’Ho- Mho ngai 23/02, Thủ tướng Cíñ phủ ồng Phạm Minh Chính đơng lam Pơrjum Yal Jơnau lơh nền tơnggơs Mpồl Lòt sền bơh Ƀộ Cíñ trị, Mpồl Đơng lam Đảng Dà lơgar dê nam 2025 gơ wèt mờ Mpồl Lơh kơnòl broă sùm Tỉñ ủy càr, Thàñ ủy ƀòn dờng, geh: Ƀòn dờng Hồ Chí Minh, Bình Dương, Bà Rịa – Vũng Tàu.

VOV4.K'Ho- Bơh bồ nam 2025 tơn, lơh sa càr Dăk Lăk neh geh bàr pe tềl sơñio tam gơl niam, lơh geh bơnàng jă tàm broă lơh jăt jơnau kờñ gơguh lơh sa 8%. Ală mpồl lơh sa kă bro dờng tàm càr do gam pờ ơnàng broă lơh mờ tơngguh tai khà cau lơh broă, cèng wơl jơnau gơn kơnờm ai gah lơh sa in.

VOV4.K'Ho- Tàm 105 hìu làng bol kis tàm càr Kon Tum geh tơn jơh hìu sèt, hìu ồm ñhăt dà mìu tàm poh, tơrgùm uă ngan tàm kơnhoàl Đăk Glei mờ 38 hìu mờ kơnhoàl Đăk Hà 31 hìu.

VOV4.K'Ho- Geh lơh tàm 5 ngai, bơh ngai 09 tus ngai 13 nhai 3, lơh Chờ kơphe Buôn Ma Thuột dơ̆ 9 nam 2025 geh uă bơta pa pơnrờm mờ ală dơ̆ bơyai lơh lài, kờp dŭ gơ hòi gơ jà rơlao 200 rơbô nă cau năc tus bal.

VOV4.K'Ho- Do là broă lơh kwơmàng nàng kờñ tơngguh rlau tai gĭt gơ̆p lơgar ơm rềp bal niam bơnĕ, lơh bơyô bơh yau, lơh broă bal tơl làm, kơ̆ kơl jăp jŏ jòng đah bàr Đảng, bàr Dà lơgar mờ làng bol bàr lơgar Việt Nam mờ Campuchia tàm bơta pa.

VOV4.K’Ho- Mho ngai 21/02, Kwang àng càr Dăk Lăk bơyai lơh Dơ̆ yal mờ jàu ală jơnau lơh nền rê rlô lơh broă lài mờ sơnam ai rê rlô gơ wèt mờ 11 nă kwang bàng đơng lam bồ kâp cơl, kwang àng kơnhoàl, mpồl lơh broă ndrờm pa.

VOV4.K'Ho- Ngai òr (21/02), ai bơh tàm Jơnau lơh nền tàm pơrjum sồ 68 Anih duh broă Lơh kơnòl broă sùm Quốk hội khoă XV ngai 14 nhai 02 nam 2025 dê, Cíñ phủ lơgar Kộng hoà sàh hội củ nghĩa Việt Nam neh geh jơnau Yal bơr bè gùng cơng tàng ngui nàng kờp bơta ơnàng nhàr dà lềng dà lơgar dê tàm Pòt dà lềng đah tô dà lơgar.

VOV4.K’Ho- Tàm trồ tiah mrềt dồ êt bal mờ tơngai càl kàl prang Tây Nguyên dê, dùl kàl prang bồ sơnam pa ram mhŭ neh mùl màl tus mờ ală ƀòn lơgar Gia Lai neh geh tŭ là anih gơlik geh uă tŭ làng bol neh rlau lơh tìs gùng, dòn jăt jơnau bơchồt pơdòc bơh cau iơh dê. Tơn jơh wơl ală tŭ tơngai klam jơngo, ală cau neh geh tŭ neh rlau lơh tìs gùng neh ñă ntàu is tàm bàr nơm jơng he dê nàng lơh tam gơl wơl rài kis, bơ̆t bơtàu lơh sa, bơtàu tơngguh lơh sa bal mờ bồ tơngoh nùs nhơm bềng lìu bơta gờn kơnờm.

VOV4.K’Ho- Drim ngai 21/02, tàm càr Quảng Ninh geh lơh Broă lơh Tam tìp bồ nam pa 2025 đah Ƀí thư ală càr mờ Tiah mờ Pơrjum Anih duh broă lơh broă lơh broă bal dơ̆ 16 đah ală càr: Quảng Ninh, Lạng Sơn, Cao Bằng, Hà Giang (Việt Nam) mờ Tiah ătbồ is kòn cau Choang Quảng Tây (lơgar Lo).

VOV4.K’Ho- Drim ngai 21/02, Thủ tướng Cíñ phủ ồng Phạm Minh Chính đơng lam Pơrjum Cíñ phủ mờ ală ƀộ, gah, ƀòn lơgar lam lơh jăt Jơnau lơh nền tàm pơrjum sồ 25 Cíñ phủ dê mờ sồr ngan lơh pràn tam pà mờ ai priă bơcri dà lơgar nam 2025.