Tàm dơ̆ wă, 2 gah chờ hờp bè ală broă lơh bơtàu tơnguh niam ngan bơh bơta gĭt gơ̆p Việt Nam mờ Kộng hoà Czech dê tàm uă gah, tàm bơnàng jă pin dờn cíñ trị uă. Priă lơh geh bơh broă kă bro phan 2 gah gơguh niam ngan, lơh geh 2 tơmàn dolar Mỹ nam 2024 mờ 1 tơmàn 900 tơlak dolar Mỹ tàm 10 nhai nam 2025, mơya ờ hềt ndrờm pal mờ bơta ƀuơn bơta pràn bơh 2 lơgar dê. 2 gah gam uă bơta nàng tơnguh uă priă lơh geh bơh kă bro phan mờ lơgar ndai, sơlơ tơnguh tai bơcri priă mờ lơh broă bal tàm uă gah ndai.

Củ tịc lơgar ồng Lương Cường sồr anih lơh broă lơh adat boh lam 2 lơgar pơn jat tai pơgồp bal nàng lơh geh ală adat boh lam ƀuơn ngan ai bơta gĭt gơ̆p đah 2 gah in, lơh geh bơta kwơ bal bơh 2 Dà lơgar, tă pơgồp tàm bơta ring lơngai, kơ̆ kơl jăp, lơh broă bal mờ bơtàu tơnguh tàm tiah do mờ tàm dunia.