VOV4.K’Ho- Pơgăp mờ do tòm 50 nam, tŭ ală ling mpồl tam lơh tờm lòt ling rê tơngklàs Sài Gòn den dùl gah ling ndai bơh Mpồl Ling klàng he dê ngềt ngơ̆t sơrlèt tiă gan dà lềng, tơngklàs ƀồt dờng Trường Sa. Dilah tam lơh Hồ Chí Minh ai geh jai pha tềng hơ đang ù gờl den broă tơngklàs Trường Sa pơgồp bơnah lơh sir broă lơh rùp hin tơl làm kơnhoàl ù tiah- bơh hơđang ù gờl tus bồt bơlào dà lềng. 50 nam tơnơ̆ ngai tơngklàs, phan bơna bơt bơtàu, mpồl bơtiàn tàm kơnhoàl bồt Trường Sa, càr Khánh Hoà geh bơcri priă lơh dồ ròt bal, hời rơ hời gơ gơs anih tờm niam chài, lơh sa tàm dà lềng bơh jơh gùt lơgar dê.

VOV4.K’Ho- Di tơngkah kir sơnrai 50 nam Ngai Tơngklàs tiah đah Jum, tơrgùm dùl Dà lơgar, drim ngai 28/04, Củ tịc lơgar ồng Lương Cường neh tus chu ñàng kah kơlôi Củ tịc Hồ Chí Minh tàm Hìu sồ 67 tàm ƀlàng Phủ Củ tịc dê.

VOV4.K’Ho- Drim ngai 28/04, tàm sàh Triệu Thành, kơnhoàl Triệu Phong ( càr Quảng Trị), Củ tịc Quôk hội ồng Trần Thanh Mẫn neh tus bal dơ̆ sơnđờm mut ngui broă lơh bơt bơtàu prap gàr, lơh niam wơl Tiah tềl lời wơl Tiah lời kir sơnrai Tổng Ƀí thư ƀồc ồng Lê Duẩn dê.

VOV4.K'Ho- Yal jơnau lơh nền sồr ồng Y Thanh Hà Niê K’đăm tus bal Mpồl Duh broă, Mpồl Lơh kơnòl broă sùm mờ at gơnoar broă Ƀí thủ Tỉñ ủy càr Lâm Đồng tơngai lơh broă bơh nam 2020-2025.

VOV4.K’Ho- Mờr nggùl rài neh lòt rlau kờp bơh ngai tơngklàs tiah đah Jum, tơrgùm dùl dà lơgar. Gơ wèt mờ ală cau ling neh tus bal dơ̆ tam lơh Hồ Chí Minh kah yau, jơnau kah wơl bè ală dơ̆ tam lơh cui rơcai ngan tàm pôs đồng Đồng Dù, Củ Chi halà Gơlăng Độc Lập kung gam kah sùm tàm bồ tơngoh, gơlơh bè rơ̆p mìng pa gơlik geh ngai òr lơm.

VOV4.K'Ho - Mho ngai 27/4/2025, tàm Hìu lơh broă Đảng dà lơgar, Tổng Ƀí thư ồng Tô Lâm tìp mat Thủ tướng lơgar Ñờk ồng Ishiba Shigeru di dơ̆ lòt còp ngan ngồn lơgar Việt Nam.

VOV4.K’Ho- Mang ngai 27/04, broă lơh sơñio rùp tơn cribơyai cíñ trị đơs crih tam ya “Mpoong ntas sùm jơnau đơs crih chờ hờp”, tơngkah kir sơnrai 50 nam tơngklàs tiah đah Jum, tơrgùm dùl Dà lơgar geh bơyai lơh tàm 3 anih pờ tơlik tơn: Hà Nội, Quảng Trị mờ ƀòn dờng Hồ Chí Minh.

VOV4.K'Ho - Mpồl Lơh kơnòl broă sùm Tỉñ ủy càr Bình Định mờ càr Gia Lai pa bơyai lơh Pơrjum lam lơh jat jơnau sồr tơmut bal Mpồl lơh broă sră pơ àr gơnoar atbồ kâp càr.

VOV4. K’Ho- Ngai 27/04, Đảng ƀộ Anih lơh broă sùm tiah Tây Nguyên- Anih Jơnau đơs Việt Nam (VOV) pa bơyai lơh Pơrjum dờng dơ̆ 10, tơngai lơh broă bơh nam 2025-2030.

VOV4.K'Ho- Tàm ală bă sre kòn gam hòn gơs niam tàm tiah Đah jum măt tơngai lik càr Gia Lai dê, kàl tơnhào kòi kàl prang gam cèng tus nùs nhơm chờ hờp tus mờ git nđờ rơbô hìu làng bol in. bơh dùl bă ù tiah ro kơnrañ, rơdàng lài do, kơnờm mờ dà geh uă bơh broă lơh tơnau dà Ayun Hạ dờng ngan dê, kòi neh căt rơyas, hòn gơs niam, lơh gơs broă tam gơl niam bơnĕ ngan. Uă hìu làng bol neh kis đềt mềr mờ broă lơh bă sre dờng ơnàng, tam phan jăt broă lơh pa, pah nam tơnhào geh git nđờ jơ̆t tấn kòi, kơl jăp rài kis, ròng oh kòn lòt bơsram.