Kwang lam dờng Anih jơnau đơs Việt Nam ồng Đỗ Tiến Sỹ pà gĭt pơgăp mờ do ết poh, Anih jơnau đơs Việt Nam neh lam lơh tă pơgồp ết ngan rlau jơh 1 ngai priă nhai, lơh geh mờr 500 tơlak đong pơyoa tus Mặt trận Dà lơgar Việt Nam in dong kờl làng bol tiah dà tih dà lìu.

Dơ̆ hòi jà dơ̆ do pơn jat tai pơn jờng kwang bàng, cau lơh ƀăo, cau drơng măi mok mờ cau lơh broă tàm jơh gùt Anih jơnau đơs Việt Nam tàm sơm bat tê bal tă pơgồp, sền do là kơnòl broă, broă lơh niam kòn bơnus dê nàng kờñ lơh gơrề uă nùs nhơm tàm dong tàm kờl bal mpồl bơtiàn. Anih jơnau đơs Việt Nam rơ̆p lơh pràn jơnau cih sră ƀăo cih yal bơta geh ngan bơta lơh ngan bơtàu tơnguh wơl lơh sa, pơs wàs hìu bơsram, ơdŭ bơsram, sền gròi lơh sơnơm, rcang lài kơryan kòp mờ tàm sơm bat tê bal bơh gơnoar atbồ, mpồl lơh sa kă bro, mpồl ală lơgar dê, pơgồp bơnah lơh geh tai bơta gơn kơnờm ai làng bol in sơr lèt gan kal ke.