Đơs tàm pơrjum, Thủ tướng đơs niam broă nùs nhơm lơh broă nền nòn, mhar, geh cồng nha bơh ală ƀộ, gah lơh broă, ală càr ƀòn dờng mờ ală jơnau đơs tàm Dơ̆ pơrjum, ai tơngŏ broă lơh ngan pràn tàm broă lơh ngan tam dră mờ broă lơh IUU dê mờ lơh ngan tă “sră rơmit” bơh Anih duh broă Câu Âu (EC) dê tàm nam 2025 do.

Thủ tướng sồr cau lam bồ ală ƀộ, gah lơh broă, ală càr ƀòn dờng dờp kơnòl tơn, tơl ală bơta tềng đăp Cíñ phủ, Thủ tướng Cíñ phủ di lah lời gơtìp tai ơhò lơh ka tìs ha là lơyài tàm broă tăc “sră rơmit” IUU. Pơn jăt tai lơh jăt nền nòn broă yal jăt tơngai cồng nha lơh jăt broă tam dră IUU dê tus Mpồl Sồr lơh; lơh geh cồng nha, nền nòn ală Jơnau lơh nền tàm pơrjum, Jơnau đơs pơn dŭt, Jơnau sồr bơh Đảng, bơh Cíñ phủ, Thủ tướng Cíñ phủ, gùng dà broă pơgồp bal ală gah lơh broă bè tam dră lơh IUU dê.