VOV4.K’Ho- “Gah Hòi jà làng bol kờñ pal tơrgùm, jơh nùs lam lơh ală kơnòl broă bơyai lơh nàng drơng broă Pơrjum dờng dơ̆ XIV Đảng dê, lam lơh ală dơ̆ pơrjum cíñ trị jrô ơnàng làm uă, lài, tàm mờ tơnơ̆ Pơrjum dờng, lơh gơlik geh nùs nhơm rơcăng chờ hờp chờ hờn, tam klăc, pràn bơceh lơh tàm làng bol. Bal mờ hơ̆, pơn jăt tai sơrbac mhar, lơh jăt niam jơnau sồr tơmŭt bal Mpồl Hòi jà làng bol Dà lơgar mờ Mpồl Mblàng yal bơto bơtê Dà lơgar, sồr gùng dà broă lơh rơndăp tăp sèng tơrmù dipal jak chài, lơh di tơngai”. Do là jơnau đơs sồr lơh bơh Kwang bàng tàm Ƀộ Cíñ trị, Duh broă sùm Mpồl Đơng lam Đảng Dà lơgar, Cau kong kơnòl Anih duh broă Sền swì Dà lơgar ồng Trần Cẩm Tú dê tàm Pơrjum gùt lơgar tơn jơh broă lơh hòi jà làng bol nam 2024, lam lơh kơnòl broă nam 2025.

VOV4.K’Ho- Tàm càr Dăk lăk, geh ală ùr đảng viên sùm jơh nùs jơh tồr tă pơgồp dà kơl hề tài nùs nhơm bồ tơngoh kăc màng. Ală krơh niam hơ̆ ờ mìng pơgồp bơnah bơt bơtàu ƀòn lơgar kơ̆ kơl jăp, pas pràn lơm mờ gam lơh gơ kờñ ai rơnàng kơnòm să tŭ do in.

VOV4.K’Ho- Drim òr (10/02), tàm Hà Nội, Củ tịc lơgar ồng Lương Cường neh geh dơ̆ lơh broă mờ Cơldŭ lơh broă Củ tịc lơgar bè lam lơh broă lơh sền gàr adat boh lam nam 2025, dùl gah kwơ màng gơwèt gơnoar, kơnòl broă, gơnăp gơnoar bơh Củ tịc lơgar dê jat jơnau cih bơh Sơnoa boh lam.

VOV4.K’Ho- Ngai òr (10/02), tàm Hìu lơh broă Quôk hội, Ƀí thư Đảng ƀộ Quôk hội, Củ tịc Quôk hội ồng Trần Thanh Mẫn đơng lam pơrjum dơ̆ 1 bơh Mpồl duh broă Đảng ƀộ Quôk hội dê tơngai lơh broă bơh nam 2020-2025.

VOV4.K’Ho- Drim òr (09/02), Thủ tướng ồng Phạm Minh Chính neh lòt sền ù tiah mờ iăt jơnau yal bè rơndăp broă lơh gơl gùng jat kềng gah dà lềng Dung Quất - Sa Huỳnh lòt gan càr Quảng Ngãi mờ rơndăp broă lơh Bơcri priă lơh broă lơh gùng rơndeh lòt mhar đah Tô- đah Jum, gơl lòt gan Quảng Ngãi - Hoài Nhơn.

VOV4.K'Ho- Thủ tướng Cíñ phủ ồng Phạm Minh Chính lơh broă mờ đơng lam bồ tờm càr Quảng Ngãi nàng sền wơl cồng nha lơh jăt kơnòl broă bơtàu tơnguh lơh sa mpồl bơtiàn nam 2024 mờ cri bơyai gùng dà broă lơh, kơnòl broă nam 2025.

VOV4.K'Ho- Đại tướng ồng Phan Văn Giang, Ƀộ trưởng Ƀộ Ling klàng lơgar Việt Nam neh cri bơyai tàm điện thoại ồng ồng Pete Hegseth, Ƀộ trưởng Ƀộ Ling klàng lơgar Mỹ.

VOV4.K'Ho- Tơnơ̆ mờ Satềp nam pa Ất Tỵ, Thủ tướng Cíñ phủ ồng Phạm Minh Chính neh tus mŭt sơn đờm lơh gùng rơndeh lòt mhar ƀòn dờng Hồ Chí Minh – Thủ Dầu Một – Chơn Thành gơl lòt gan càr Bình Dương. Đơs tàm dơ̆ pơrjum sơn đờm lơh gùng, Thủ tướng sồr ală càr Bình Phước, Bình Dương mờ ƀòn dờng Hồ Chí Minh tàm quý I do pal lơh gơs ală sră nggal tơrbŏ bal gùng Đăk Nông tus Chơn Thành.

VOV4.K’Ho- Mho ngai 07/02, tàm Hìu duh broă Đảng Dà lơgar, geh lơh pơrjum tàm jàu kơnòl broă lơh broă Lam bồ Cơldŭ lơh broă Đảng Dà lơgar.

VOV4.K’Ho- Mho ngai 07/02, tàm Hìu duh broă Cíñ phủ, Thủ tướng Cíñ phủ ồng Phạm Minh Chính neh wă Kwang ătbồ Anih lơh broă ala măt lơgar Pakistan tàm lơgar Việt Nam ồng Kohdayar Marri di dơ̆ Kwang ătbồ Anih lơh broă ala măt sơnđờm tơngai lơh broă.