Pơn jat tai dơ̆ pơrjum dơ̆ 10, ngai do (04/11), Quôk hội iat Sră yal mờ sền swì rơndap lơh Adat Bơt bơtàu (tam gơl); rơndap lơh: Adat tam gơl, bơtơl bàr pe bơta bơh Adat Địa cất mờ phan kuơ tàm ù; Adat tam gơl, bơtơl bàr pe bơta bơh ală adat boh lam tàm gah broă lơh sa suơn sre mờ tiah ơm kis, rơndap lơh Adat atbồ dia (tam gơl); Adat Dia priă lơh geh nă să is (tam gơl); Adat Tềm pềr, pleh pơhì pơhà; rơndap lơh: Adat lơh jat kơrnuat lơh glài broă làng bol (tam gơl); Adat sền swì broă lơh sền gàr adat boh lam (tam gơl); rơndap lơh Adat tam gơl, bơtơl bàr pe bơta bơh Adat rơcang, kơryan sa kuề sa kuà.

Tơnơ̆ hơ̆, Quôk hội cribơyai tàm jơnum bè Rơndap lơh Adat lơh jat kơrnuat kup jàm ing mờ ờ ai lik bơh tiah ơm kis; Rơndap lơh Adat lơh jat kơrnuat lơh glài hìñ sự (tam gơl); Rơndap lơh Adat tam gơl, bơtơl bàr pe bơta bơh Adat Jơnau yal tơnggit bè cau gơtìp lơh glài. Mho do, Quôk hội cribơyai tàm jơnum bè jơnau rơcang cih sră nggal yal Pơrjum dờng cau ala mat gùt lơgar dơ̆ 14 bơh Đảng dê.

Kung tàm ngai òr (03/11), ai jơnau đơs tàm Rơndăp broă lơh Adăt tam gơl, bơtơl bàr pe bơta bơh Adăt Ătbồ dồs dà lơgar, ală cau ala măt Quôk hội sồr kờp sền gơ in nền nòn ngan nàng kờñ ai tơl bơta ƀươn tàm broă ătbồ dồs dà lơgar, nàng dà lơgar bơtàu tơngguh; mơkung lơh geh bơta pin dờn ai ală cau bơcri priă tus lơgar Việt Nam in mờ bơta pin dờn tàm làng bol. Củ tịc Quôk hội ồng Trần Thanh Mẫn pà gĭt, Adăt Ătbồ dồs dà lơgar lơh tam gơl jăt broă pơlam lơh tơn rŭc lơyah wơl tàm dơ̆ pơrjum dơ̆ 10 do, nàng lơh jăt pà kâp, jàu gơnoar ndrờm bal mờ Adăt Kes priă dà lơgar, Adăt Bơcri priă dà lơgar; lơh pràn lơh tam gơl pa wơl sră nggal sră pơ àr gơnoar ătbồ; dong lơh mhar tơngai pơrgon lam lơh ală rơndăp broă lơh geh priă bơcri lơgar ndai. Ngan là tàm bơta lơh jăt gơnoar ătbồ bàr kâp; gàr bơta song dơ pă loh làng, ờ ndơ̆p mpồn, rơcăng lài, geh cồng nha tàm ătbồ dồs dà lơgar.