Lài hơ̆, Anih duh broă Làng bol càr Dăk Lăk neh geh sră nggal sồr cau lam bồ ală sờh, mpồl, gah, mpồl lơh broă geh gơrềng mờ Củ tịc Anih duh broă Làng bol ală sàh, sơnah ƀòn mhar pơgồp bal lam lơh ndrờm bal ală broă lơh. Ală ƀòn lơgar rềp kềng dà lềng lam lơh gùng dà broă lơh gàr niam lơngăp lơngai bè kòn bơnus, phan ngui, jơtài phan bơna, is ồn tàm ală anih lòt nhơl, kơnhoàl ù tiah ròng tam, lơh kŭp ka; bơto pơlam kơ̆t ơn ơhò plung, lơh kơ̆, sền gàr gŭ rơkị ròng tam phan tàm dà. 

Ală ƀòn lơgar tiah bơnơm sùm yal di tŭ bè jơnau gơbàn bơh mìu càl rbŭt dà kŏ dà cò dê tus làng bol in; sơlơ pơlam bơta chài drơng mờ dà kŏ dà cò, ngơr bam dà, tơrlah ù. Mơkung lòt sền, kờp sền nền wơl ală kơnhoàl ù tiah geh pơhìn uă gơbàn trồ tiah lơh aniai, rơcăng lài ntrờn làng bol tus tiah niam lơngăp lơngai. Ală mpồl lơh broă rơcăng crăp rơcăng mpồl cau, phan ngui, phan ngui sa kờñ pal geh jăt jơnau đơs “puan dùl bă tiah tơn”; lòt sền, kờp sền nền wơl gùng dà broă lơh gàr niam lơngăp lơngai ală àr bơtơ̆t, tơnau bơtơ̆t dơng dà; lam drơng gak, gròi sền, bơto pơlam lòt rê niam lơngăp lơngai tàm ală rơbơ̆t, bơtơ̆t, tiah ngơr bam jrô, kràñ cê ờ gŏ di ai kòn bơnus mờ rơndeh rơndồ in lòt rê dilah ờ gàr niam lơngăp lơngai.