Nàng gàr niam rài kis ai rlau 1 rbô nă làng bol tàm 5 ƀòn in, mpồl ling mờ mpồl grăp ƀòn pal pờ dùl nơm gùng lòt gan bơnơm. Kwang bàng, cau ling pơnđơl ngan jun phan ngui sa pal geh, phan sa tus mờ làng bol. Git nđờ rhiang nă kwang bàng, cau ling Trung đoàn 24, Sư đoàn 10 bal mờ ală mpồl ling càr Quảng Ngãi, ling grăp ƀòn sền gàr is ai phan bơna, măi mok mhar lơh kơ̆ wơl ală bă tiah tơrlah tàm sàh Ngọc Linh; mờ kung lơh ală rbàng ing nàng làng bol in lòt rê, kơnòm bơsram lòt bơsram.

Tŭ do, bơta tơrlah tàm ală sàh tiah kơh bơnơm càr Quảng Ngãi kung gam pơn jat tai gơlik geh kal ke. Ală ƀòn lơgar gam pơn jat tai lam lơh ală broă rơndap lơh gàr niam màng kis ai làng bol in.