VOV4.K’Ho- Tơnkah 95 nam Ngai tơnggơs Đảng Kộng sản Việt Nam (3/2/1930 -3/2/2025), tàm Hà Nội, Anih bơsram kơlôi sơnơng Cíñ trị Dà lơgar Hồ Chí Minh pơgồp bal mờ Mpồl Mblàng yal bơto bơtê Dà lơgar bơyai lơh Pơrjum bơyai jak chài Dà lơgar: “Đảng Kộng sản Việt Nam - 95 nam kơ̆ dơn jơnau kờñ lơngăp lơngai is jơi bơtiàn mờ rài ndrờm bal mpồl bơtiàn, bơt bơtàu Dà lơgar bơtau tơngguh, gơboh gơbài”.

VOV4.K’Ho- Tàm nùs nhơm gờm chờ Đảng, gờm chờ Nam pa bơhiàn Dà lơgar Jơi bơtiàn dê nam Ất Tỵ 2025 mờ tơngkah kir sơnrai 95 nam Ngai tơngơs Đảng Kộng Sản Việt Nam (3/2/1930-3/2-2025), Tổng Ƀí thư ồng Tô Lâm neh tus bal mờ lam lơh dơ̆ Sa tềp tam chi sùm sùm kah ưn ngài Wa Hồ tàm Ninh Bình.

VOV4.K’Ho- Tàm dơ̆ ơm rlô Sa tềp bơhiàn jơi bơtiàn dê pa do, ală càr Tây Nguyên neh gơhòi gơ jà gal ngan năc lòt nhơl tàm dơlam mờ bơdìh lơgar, lơh geh priă bơh kă bro jơnhoa rlau uă pơndrờm bal dồ tŭ mờ nam lài.

VOV4.K’Ho- Mho ngai 02/02 (ngai 05 Sa tềp), tàm càr Lạng Sơn, Thủ tướng ồng Phạm Minh Chính đơng lam dơ̆ pơrjum mờ ală ƀộ, gah, ƀòn lơgar bè broă lơh mhar tŭ tơngai lơh rơndăp broă lơh gùng rơndeh lòt mhar Đồng Đăng (Lạng Sơn)- Trà Lĩnh (Cao Bằng) mờ Mpồng nhàr lơgar Hữu Nghị- Chi Lăng.

VOV4.K'Ho- Đăk Ngọk là sàh sơnrờp ngan tàm kơnhoàl Đăk Hà, càr Kon Tum dê bơyai lơh pơrjum cau ala măt Đảng ƀộ sàh tơngai lơh broă bơh nam 2025 tus 2030. Tơngai lơh broă pa do, Đảng ƀộ, gơnoar atbồ bal mờ làng bol tàm sàh neh ai tơngŏ loh làng nùs nhơm tam gơl pa, bơceh lơh, jơnau kơ̆p kờñ bơ̆t bơtàu Đăk Ngọk gơs tiah ƀòn pas gơs. Tàm ală ngai bồ nam pa, sàh Đăk Ngọk neh lơh mơ broă lơh jăt jơnau lơh nền tàm pơrjum dờng Đảng, ai geh bơta pràn pa nàng ƀòn lơgar Đăk Ngọk lơh pràn bơtàu tơnguh kơ̆ kơl jăp.

VOV4.K'Ho- Bal mờ gùt lơgar, bơh lài satềp, tàm ờ uă càr tàm Tây Nguyên, ơruh pơnu tàm sơnam neh chờ hờp mờ jal mhar kham pràn kơl dang să jan nàng lòt ling.

VOV4.K'Ho- (Hà Nội, ngai 28 nhai 01 nam 2025) Ơ làng bol, oh mi, cau ling gùt lơgar mờ làng bol he tàm lơgar ndai!

VOV4.K’Ho- Nam 2024, sơrlèt uă kal ke bơta lòng, priă lơh sa bơh tiah Tây Nguyên dê neh lơh geh rlau 484 rbô tơmàn đong, priă lơh geh kờp bal dồ nă cau kờp dŭ geh 78 tơlak 500 rbô đong, gơguh 16% pơndrờm mờ nam lài. Tus nam 2025 do, mờ dồ ròt ală rơndăp broă lơh gùng rơndeh lòt mhar gam lam lơh, rơ̆p lơh gơlik geh bơnàng jă nàng kơnhoàl ù tiah Tây Nguyên lơh niam bơta pràn, bơta ƀươn, dòn nền tàm tŭ tơngai pa.

VOV4.K’Ho- Bal mờ jơh gùt lơgar, tàm tŭ jiơ dờng màng king crŭ ngan wă rò sơnam pa Ất Tỵ, làng bol ală jơi bơtiàn Tây Nguyên kung gơlơh pơñiờ să ngan sơl bal mờ ală tam gơl bơh ƀòn tờm he dê, kơ̆p gơn nam pa rài kis hờm ram, chờ hờp chờ hờñ.

VOV4.K’Ho- Bal mờ làng bol jơh gùt lơgar, làng bol tàm ală ƀòn lơgar bơh kơnhoàl tiah nhàr lơgar Tuy Đức, càr Dăk Nông kung gam hô hơng wă rò sơnam pa mờ bơta dòn kơ̆ bè dùl nam lơh geh cồng nha dờng, bal mờ Dà lơgar cơn đoà kơ̆ mut tàm rài pa, rài brồ să bơh jơi bơtiàn dê.