Rơndăp broă lơh ơnàng mờr 290 lồ, sơnđờm mut lơh tàm nggùl nhai 8, tus tŭ do neh ai rlau 116 lồ ù. Cau tờm bơcri priă lơh neh geh ai gơnoar ngui rlau 66 lồ ù, geh tơl ală bơta mut lơh tơngai dơ̆ sơn rờp. Mơya, broă tơm priă kung gam gơ kòl tài bơh tàm rơndăp rơndồl nhàr ù tiah, ờ tơl sră pơ àr adat boh lam mờ bơta làng bol bơt bơtàu is nàng gơn tơm priă.

Viglacera hơ tơn lơyah tŭ tơngai 1 nam, sơnđờm mut lơh dồ ròt bal bơh nhai 11, tus qúy 1 nam tus do lơh sir 50 lồ phan bơna bơt bơtàu ring bal nàng tàm jàu ai cau bơcri priă tàm pơdờn in. Tŭ lơh sir, tiah lơh sa mờ măi mok rơ̆p là broă lơh tờm bơtàu tơnguh lơh sa mờ măi mok ngui măi mok pa, logistics mờ tiah drà dong kờl tiah Vân Phong, lơh geh broă lơh, gơ hòi gơ jà priă bơcri tàm lơgar mờ lơgar ndai, pơgồp bơnah ai lơh sa mờ măi mok rê wơl mờ gơnoar broă tờm bơh càr dê.