Mho ngai 23/10, tàm Pơrjum dơ̆ 2 Mpồl Lơh kơnòl broă sùm Tỉñ ủy càr Dăk Lăk, Ƀí thư Tỉñ ủy càr Dăk Lăk ồng Lương Nguyễn Minh Triết đơs sùm jơnau sồr gĭt nền loh kơnòl broă tờm kwơmàng, ai gĭt ală bơta tam gơl pràn bơh tơngai lơh broă bơh nam 2025- 2030 dê. Yal tàm pơrjum pà gŏ, bơh bồ nam tus tŭ do, GRDP càr dê gơguh mờr 7%; kờp jơh priă geh bơh tăc phan mờ lơgar ndai rlau 2 tơmàn 300 tơlak dolar Mỹ, gơguh 37,8% pơndrờm bal dùl tŭ mờ nam lài. Kờp jơh rề dia digơlan geh mờr 13 rbô tơmàn đong, ndrờm mờ 97% kờp dŭ lài Dà lơgar dê jàu.

Mpồl Lơh kơnòl broă sùm Tỉñ ủy càr ring bal lơh Broă rơndăp lơh lơh broă Pơrjum dờng dê jăt nùs nhơm “6 loh”: Loh jơnau kờñ, loh broă, loh cau, loh kơnòl, loh tŭ jiơ mờ loh phan bơna lơh geh. Ƀí thư Tỉñ ủy càr Dăk Lăk sồr ală mpồl lơh broă mhar lơh sir tam gơl wơl Rơndăp ù tiah càr, kờp sền nền wơl măt rơndăp broă lơh ai lài, anih ai priă lơh. Tàm hơ̆, bơtàu tơngguh gah kềng gùng lòt brê – dà lềng jăt gùng rơndeh dà lơgar 29 geh gĭt nền là rơndăp broă lơh tờm kwơmàng, gơcèng bơta rùp pơrya bơh tơngai lơh broă dê.